Երեւանի ավագանու նախկին անդամ Սոնա Աղեկյանը այսօր՝ հուլիսի 17-ին, մի շարք քաղաքացիներ ակցիա է իրականացրել՝ պահանջելով Երևանի քաղաքապետ Հայկ Մարությանից կատարել նախընտրական խոստումները: Նրանք անցորդներին Մարությանի նկարով փուչկներ են բաժանել՝ հորդորելով պահանջատեր լինել։ 

Սոնա Աղեկյանը ակցիայի տեսանյութը հրապարակել է ֆեյսբուքյան իր էջում։ «Պահանջում ենք ի կատար ածել նախընտրական խոստումները, պարոն Քաղաքապե՛տ»,- տեսանյութին կից գրել է նա:

Աղեկյանը նաեւ հայտնել է, որ սկսում են ֆլեշմոբ․ քաղաքապետի նկարը փակցնելու են աղբով լի բոլոր աղբամանների վրա, եւ եթե աղբը չմաքրվի, հաջորդ քայլով Հայկ Մարությանին հայտարարելու են իմպիչմենթ։