News
Լրահոս
News
Երեքշաբթի
Օգոստոս 04
USD
485.66
EUR
572.79
RUB
6.59
ME-USD
0.02
Տեսնել լրահոսը

ԱՄՆ Կոնգրեսի Ներկայացուցիչների պալատը մերժել է նախագահ Դոնալդ Թրամփի հանդեպ իմփիչմենթ սկսելու բանաձեւը։ Նախագահին իշխանությունից հեռացնելու նախաձեռնությունը կիսել են Կոնգրեսի ստորին պալատն այժմ վերահսկող Դեմոկրատական կուսակցության ոչ բոլոր անդամները, տեղեկացնում է «Գոլոս Ամերիկի»-ն։

Բանաձեւն առաջարկած դեմոկրատ Ալ Գրինը որոշել է բանաձեւը ներկայացնել պալատի քննարկմանը՝ Թրամփի հասցեին աճող քննադատության հետ կապված։ Երեկ Ներկայացուցիչների պալատը ձայների մեծամասնությամբ ընդունել է բանաձեւ, որը դատապարտում է նախագահի արտահայտությունները չորս դեմոկրատ կոնգրեսականների մասին, որոնք նրանց կուսակիցներն անվանել են ռասիստական։

Իմփիչմենթի բանաձեւին աջակցել է միայն 95 օրենսդիր։ Նախաձեռնությունը մերժել է 332 կոնգրեսական։

Մինչեւ այսօր Գրինն արդեն երկու անգամ փորձել է բանաձեւը ներկայացնել Ներկայացուցիչների պալատի քննարկմանը, եւ ամեն անգամ նրա նախաձեռնությունը չի արժանացել օրենսդիրների հավանությանը։ Իմփիչմենթի մասին բանաձեւն առաջին անգամ դրվել է համընդհանուր քվեարկության։

!
Այս նյութը հասանելի է նաև   English and Русский
Տպել