News
Լրահոս
News
Երկուշաբթի
Հոկտեմբեր 14
USD
476.44
EUR
525.85
RUB
7.42
ME-USD
0.08
Տեսնել լրահոսը

Բնակչության տարբեր շերտերի դժգոհությունը Հայաստանում սովորական է դարձել։ Այս մասին NEWS.am-ի թղթակցի հետ զրույցում ասաց «Բարգավաճ Հայաստան» կուսակցության պատգամավոր Գեւորգ Պետրոսյանը՝ մեկնաբանելով իրավիճակն Իջեւանում։

Պատգամավորը նշել է, որ հանրապետությունում օր չկա, որ որեւէ մեկն ինչ-որ տեղ չորոշի փակել հանրապետական նշանակության ճանապարհ։ «Այս ամենը մի ընդհանուր քաղաքական գնահատական ունի, որը հանգում է նրան, որ իշխանությունը, փաստորեն, ի վիճակի չէ ապահովել նախկինում տված խոստումները բարեկեցիկ կյանքի մասին։ Բայց ես ձեռնպահ եմ մնում որեւէ քաղաքական գնահատական տալուց, քանի որ Իջեւանի խնդիրը բացառապես իրավական հարթությունում է, իսկ իրավական հարթությունում քաղաքական գնահատականները լավագույն դեպքում տրվում են միայն իրավականների հնչեցումից հետո»,- ասել է խորհրդարանականը։

Միեւնույն ժամանակ, Պետրոսյանը նշել է, որ միշտ կգտնվեն մարդիկ, որոնք իշխանության կողմից կլինեն եւ կհայտարարեն, որ մի տարին չափազանց քիչ է իրական բարեփոխումների իրականացման համար։ «Իհարկե, այդ ընթացքում չէր կարելի լուծել բոլոր խնդիրները, բայց շատ հարցեր կարելի էր լուծել ոչ միայն այդ ընթացքում, այլեւ շատ ավելի վաղ, ինչն այդպես էլ չի արվել»,- ընդգծել է «Բարգավաճ Հայաստանի» պատգամավորը։

Պատգամավորը հիշեցրել է, որ գործող իշխանությունները շատ բան են խոստացել քաղաքացիներին, բայց չեն նշել իրենց խոստումների կատարման կոնկրետ ժամկետներ։ «Հիմա թող բարի լինեն իրականացնել իրենց բոլոր խոստումները խելամիտ ժամկետներում։ Որովհետեւ եթե նրանք իշխանության են եկել եւ երկու-երեք տարում ոչ մի լուրջ տեղաշարժ գրանցված չլինի, ուրեմն ստացվում է, որ տված խոստումների կատարման խելամիտ հավանականությունը հաջորդ ընտրություններում կասկածի տակ կդրվի»,- ընդգծել է պատգամավորը։

Գեւորգ Պետրոսյանը համոզված է, որ ոստիկանությունն իրավունք ունի եւ պետք է գործի բացառապես օրենքի եւ Սահմանադրության շրջանակում, եւ եթե նրա աշխատակցի հանդեպ ուժ է կիրառվել, ապա մեղավորն անպայման պետք է պատիժ կրի։ «Այդ հարցը գտնվում է իրավական կարգավորման շրջանակում, եւ ես, քանի որ անձամբ չեմ մասնակցել Իջեւանի վերջին միջադեպերին, չեմ կարող օբյեկտիվ գնահատական տալ ոստիկանության գործողություններին»,- ամփոփել է քաղաքական գործիչը։

Հիշեցնենք, որ բողոքի ակցիայի մասնակիցների, որոնք փակել էին Հայաստան-Վրաստան միջպետական ճանապարհը, եւ ոստիկանության միջեւ հուլիսի 17-ի երեկոյան տեղի են ունեցել բախումներ։ Ոստիկանները փորձել են բացել ճանապարհը, իսկ ակցիայի մասնակիցները չեն ենթարկվել նրանց։ Նրանք պահանջում են իջեցնել անտառահատման թույլտվության սակագինը։ Բախումների փաստով հարուցվել է քրեական գործ, 13 մարդ կալանվել է։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ոչ մի հականիկոլական ճակատ առանց Հանրապետականի արդյունավետ եւ բավարար ուժեղ չի լինելու. Արմեն Աշոտյան
Այն, որ Հանրապետականը խանգարում է գործող իշխանություններին, տրամաբանական է եւ օբյեկտիվ…
«Ռոբասերժական» համակարգը ապահովում է Նիկոլ Փաշինյանի քաղաքական գոյությունը. Արթուր Ղազինյան
Վերը նշված հերոսի ու հակահերոսի կոնցեպտը հաշվի առնելու դեպքում ամեն ինչ պարզ է դառնում…
Գերադասելի է, որ նախկին իշխանությունն ավելի զուսպ լինի, հնարավոր է՝ հեղափոխության 2-րդ ալիքը սրբի տանի նրանց. Բագրատյան
Մյուս կողմը, որը դժվար վիճակի մեջ է պաշտպանելու անցյալը, որն արդեն մերժվել է, խնդիրներ կունենան հեղափոխության երկրորդ ալիքի հետ...
Վարչապետը մեսիջ հղեց ներքաղաքական դաշտի խաղացողներին, որ նոր շրջափուլ պետք է սկսել՝ նոր խաղի կանոններով. Բագրատյան
Վարչապետ Նիկոլ Փաշինյանը շաբաթ օրը բիզնես համաժողովում հայտարարեց, որ օտար եւ իշխանական գործարարներ չկան...
«Հրապարակ». Արսեն Թորոսյանի հաջորդ թիրախը Արմեն Մուրադյանն է. երկու մեթոդ է ընտրվել
Երեկ հայտնի դարձավ, որ բժշկական համալսարանի հոգաբարձուների խորհրդի որոշ անդամներ ինքնաբացարկ են ներկայացրել...
«Ժողովուրդ». Ոստիկանությունը արմատական փոփոխությունների շեմին է․ Նիկոլ Փաշինյանի պահանջը
Ըստ մեր լուրերի` այս երկու բաժինները հաշտ չեն եղել, քանի որ երկուսն էլ, կատարելով գրեթե նույն գործառույթը...