News
Լրահոս
News
Ուրբաթ
Դեկտեմբեր 06
USD
477.94
EUR
530.13
RUB
7.49
ME-USD
0.06
Տեսնել լրահոսը

Ջերմ ողջույններ ու բարեկամական զրույցներ՝ Հայաստանի խորհրդարանական պատվիրակությունը Արարատ Միրզոյանի գլխավորությամբ հինգշաբթի ողջունում էին Միացյալ Նահանգների Կոնգրեսի Հայաստանի հետ բարեկամության խմբի անդամ կոնգրեսականները, հաղորդում է «Ամերիկայի ձայնը»:

Հայ կոնգրեսական Ջեքի Կանչելյան Սփիրն ընդգծել է՝ անհամբեր սպասում է Հայաստան կրկին այցելությանը: Կոնգրեսականը Հայաստանում էր եղել 2017-ին, սակայն, ցանկանում է անձամբ տեսնել երկրի առաջընթացը «Թավշյա հեղափոխությունից» հետո: Հայկական արմատներ ունեցող մեկ այլ կոնգրեսական՝ Էնթոնի Բրինդիսին, նոր է ներգրավվում Հայաստանի հետ բարեկամության հաստատման գործընթացներին, սակայն, սեփական արմատների նկատմամբ մեծ հետաքրքրություն է ցուցաբերում:

2018-ին Արարատ Միրզոյանին փոխվարչապետի կարգավիճակով Վաշինգտոնում հանդիպած Կոնգրեսի Հայաստանի հետ բարեկամության խմբի համանախագահ կոնգրեսական Ֆրանք Փալոնը կատակում է, որ վերջին հանդիպումից ի վեր Միրզոյանը կարծես թե կարիերայի աճ է արձանագրել: Կոնգրեսականի խոսքով, Հայաստանի օրենսդիրների այցը Միացյալ Նահանգներ կարեւոր է երկկողմ հարաբերությունների զարգացման համար.

«Կարեւոր է, որ այստեղ հայկական պատվիրակությունը պատմում է մեզ, թե ինչ է տեղի ունենում «Թավշյա հեղափոխությունից» հետո, ինչպես է աշխատում Հայաստանի նոր ղեկավարությունը, նոր խորհրդարանը, որքանով սերտ համագործակցություն են նրանք ակնկալում Միացյալ Նահանգների հետ քաղաքական ոլորտում, ժողովրդավարության զարգացման, օրենքի գերակայության ոլորտում, այնպես որ մենք մեր կողմից կարողանանք այս համագործակցությանը ռազմավարական բնույթ տալ, ինչպես նաեւ՝ զարգացնել մեր երկու երկրների միջեւ առեւտրատնտեսական հարաբերությունները»:

Ջոն Սարբանես, Ջուդի Չու, Դեյվիդ Սիսիլինի սա Հայաստանի համար կարեւորագույն օրենքի նախագծերի հեղինակների անուններ են: Հանդիպման ընթացքում Ներկայացուցիչների պալատի արտաքին հարաբերությունների հանձնաժողովը ղեկավարող Էլիոթ Էնգելը հայ խորհրդարանականների հետ զրույցում հատուկ ընդգծեց՝ ԱՄՆ-ում գնահատում են ժողովրդավարության ոլորտում Հայաստանի կողմից գրանցած առաջընթացը եւ գիտակցում են երկրի առջեւ եղած դժվարությունները:

!
Այս նյութը հասանելի է նաև   English
Տպել
Կարդացեք նաև
Ամբողջը
Մհեր Գրիգորյանը Լին Թրեյսիի հետ քննարկել է արդարադատության և ոստիկանության ոլորտներում ակնկալվող բարեփոխումները
Զրուցակիցները հանդիպման ընթացքում քննարկել են հատկապես արդարադատության և ոստիկանության ոլորտներում ակնկալվող բարեփոխումները…
«Իմ քայլը» պատասխանել է նախկին նախագահին. ՀՀ-ն նոր հարաբերություններ է կառուցում գործընկերների հետ
Համաձայն չեմ Սերժ Սարգսյանի տեսակետին, ասել է Մակունցը...
ՀՀ ԱԺ պատգամավորները Ղարաբաղ են հրավիրել իրենց ամերիկացի գործընկերներին
ԱՄՆ կատարած այցելության ժամանակ փորձել ենք հստակ ներկայացնել Հայաստանի դիրքորոշումը, ասել է Մակունցը...
Հայ-ամերիկյան բարեկամության խմբի հիմնական նպատակը երկկողմ հարաբերությունների մակարդակի բարձրացումն է. «Իմ քայլը»
Նրա խոսքով՝ ձեւաչափը ներառում էր հանդիպումներ ոչ միայն կոնգրեսականների, այլ նաեւ փորձագետների հետ...
Մենք ավելի նախաձեռնող ենք դարձել ամերիկացիների հետ հարաբերություններում. «Լուսավոր Հայաստան»
Նրա խոսքով՝ Հայաստանում հաճախ քննադատություններ են հնչում այն առնչությամբ, որ ԱՄՆ-ում հայկական պատվիրակությունը հիմնականում հանդիպում է եւ մոտ է Դեմոկրատական կուսակցության գործընկերների հետ...
Մեր ուղերձը ՀՀ կառավարությանն այն է, որ պետք է ապահովվի խաղի հավասար կանոններ․ ԱՄՆ դեսպան
Ես ուրախ եմ այսօր այստեղ գտնվել և կարիերայի և ձեռնարկատիրության տոնավաճառին մասնակցել․․․
Ամենաշատ