News
Լրահոս
News
Կիրակի
Հուլիս 05
USD
483.84
EUR
543.3
RUB
6.81
ME-USD
0.02
Տեսնել լրահոսը


«ԳեոՊրոՄայնինգ» հանքարդյունաբերող ընկերությունների դիվերսիֆիկացված միջազգային  խումբը հուլիսի 19-20-ը Հայաստանի քաղաքներում կազմակերպել է մի շարք միջոցառումներ՝ նվիրված հանքագործի և մետաղագործի օրվան: Տոնական միջոցառումներին իր մասնակցությունն է ունեցել «ԳեոՊրոՄայնինգ»-ի ընկերության  նախագահ Ռոման Խուդոլիյը:

Ստորև ներկայացնում ենք նրա շնորհավորական խոսքը՝ ուղղված կոլեկտիվի անդամներին և ոլորտի աշխատողներին։

«Հարգելի՛ գործընկերներ,

շնորհավորում եմ Ձեզ՝ հանքագործի և մետաղագործի մասնագիտական տոնի առթիվ։

Այս տոնը միշտ եղել և մնում է հպարտանալու առիթ բոլոր նրանց համար, ովքեր ներգրավված են այս դժվարին և խիզախ մասնագիտության մեջ։ Սա համարձակ և վճռական մարդկանց տոնն է, ովքեր նվիրված են իրենց գործին: Մենք, Ձեզ հետ միասին անցել ենք դժվար ուղի և դիմակայել բոլոր ճգնաժամային մարտահրավերներին։ Մենք հպարտանալու իրավունք ունե՛նք:

Մարդկային ներուժը հանդիսանում է գլխավոր ռեսուրսը՝ ժամանակակից աշխարհում: Հենց մարդկային գործոնն է հաղթանակ բերում 21-րդ դարի մրցակցային պայքարում: Այսօր լեռնահանքային արդյունաբերությունը շատ երկրներում, այդ թվում նաև Հայաստանում, բյուջեի համալրման  կարևոր բնագավառներից մեկն է ՝ հանդիսանալով երկրի տնտեսության հիմքը: Բնագավառը աշխատանքով ապահովում է հազարավոր մարդկանց և հանդիսանում է պետական բյուջե հարկերի մուտքի հիմնական աղբյուրներից մեկը։

Այսօր լեռնահանքային արդյունաբերության բնագավառը արձագանքում է աշխարհի զարգացման դինամիկային և հարմարվում ժամանակի պահանջներին։

Մեզ հարկավոր է աշխատել ավելի արդյունավետ, ավելի բարձր արտադրողականությամբ։ Միայն կոլեկտիվի համախմբումը հնարավորություն կտա մեր ձեռնարկություններին շարունակել մնալ մրցունակ, պահպանել առաջատար դիրքերը, ապահովել բարձր և կայուն աշխատավարձեր և ավանդական սոցիալական պատասխանատվություն կրել հասարակության առջև։

Արդեն երկրորդ մասնագիտական տոնն է, որ ես տոնում եմ Ձեզ հետ միասին:  Ինձ համար մեծ պատիվ է լինել մասնագետների մեծ կոլեկտիվի մի մասնիկը, ովքեր լավ գիտեն իրենց գործը և հավատարիմ են ընտրած մասնագիտությանը։

Ձեր ամենօրյա դժվարին գործի համար, դիմելով Ձեզ շնորհակալության խոսքով, ցանկանում եմ, որպեսզի յուրաքանչյուր նոր օր լի լինի հաղթանակներով և ձեռքբերումներով, որոնցով էլ հյուսվում են հաջողությունը և վստահությունը՝ ապագայի հանդեպ։

Ձեզ և Ձեր ընտանիքներին մաղթում եմ բարեկեցություն, կայունություն, առողջություն, սեր և հաջողություններ»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ-ում ձեռնոց են մշակել, որը թարգմանում է ամերիկյան ժեստերի լեզուն
Whatsapp-ում հինգ նոր գործառույթ կհայտնվի
Շուտով մեսենջերում մուլտիպլիկացիոն ստիկերների մի քանի հավաքածու կհայտնվի՝ շփումն «ավելի զվարճալի եւ արտահայտիչ» դարձնելու համար․․․
Samsung-ը պատահաբար ցույց է տվել նոր ֆլագմանային սմարթֆոնը
Samsung ընկերությունը կայքի ռուսերեն տարբերակում տեղադրել է Galaxy S 20 ֆլագմանային շարքի դեռեւս չներկայացված սմարթֆոնի լուսանկարները…
Բողոքի ցույցերի պատճառով Twitter-ը հրաժարվել է «սեւ ցուցակ» եւ «ստրուկ» տերմիններից
«Twitter-ում լեզուն, որը մենք օգտագործել են մեր կոդերում, չի արտացոլում մեր ընկերության արժեքները եւ չի ներկայացնում ​​մարդկանց, ում համար մենք աշխատում են․․․
Կորոնավիրուսի համավարակը չի հանգեցնի ՀՀ-ում էներգաարդյունավետության բարձրացման ծրագրերի դադարեցմանը
Էներգաարդյունավետության բարձրացման ծրագրերն ինքնին նպաստում են Հայաստանի տնտեսության վերականգնմանը…
Եթե ես ունենայի վետո դնելու իրավունք, ապա կդնեի, եթե ունենայի իրավունք՝ օրենքը հետ ուղարկելու ԱԺ՝ կանեի․ Արմեն Սարգսյան
Քննարկվել են համավարակային իրավիճակի ազդեցությունը եւ հետեւանքները ՏՏ ոլորտի վրա, ներկա խնդիրները եւ ապագայի հնարավոր դժվարություններն, ինչպես նաեւ այդ խնդիրների լուծմանն աջակցելու՝ նախագահական ինստիտուտի հնարավորությունները…