News
Լրահոս
News
Շաբաթ
Օգոստոս 24
USD
475.99
EUR
526.4
RUB
7.25
ME-USD
0.14
Տեսնել լրահոսը

Բելառուսի նախագահ Ալեքսանդր Լուկաշենկոն «գերմանա-ֆաշիստական զավթիչներից Բելառուսի ազատագրման 75-ամյակի կապակցությամբ համաներման մասին» օրենք է ստորագրել, հաղորդում է «Բելթա»-ն՝ հղում անելով Բելառուսի նախագահի մամուլի ծառայությանը:

Օրենքն ընդունվել է Բելառուսի Հանրապետության պատմության մեջ նշանակալից ամսաթվի կապակցությամբ եւ հումանիզմի սկզբունքների իրականացման նպատակով: Փաստաթուղթում նշվում են հետեւյալ կատերգորիայի մարդիկ՝ անչափահասներ, հղի կանայք, կանայք եւ միայնակ տղամարդիկ, որոնք մինչեւ 18 տարեկան երեխաներ ունեն, կենսաթոշակային տարիքի հասած անձինք, I եւ II կարգի հաշմանդամություն ունեցող մարդիկ, օնկոլոգիական հիվանդություններ ունեցող մարդիկ, վետերաններ, Չեռնոբիլի աղետից տուժածներ եւ այլք: Դատապարտվածների առանձին կատեգորիայի (Քրեական օրենսգրքի 328-րդ հոդվածի 1-ին, 2-րդ մասով նախատեսված հանցագործությունների կատարածները) համար նախատեսված է ժամկետի կրճատում 1 տարով, անչափահասների համար՝ 2 տարով:

Ենթադրվում է նաեւ քրեական պատժից ազատել մոտ 6 հազար դատապարտյալի: Օրենքն ուժի մեջ է մտնում դրա պաշտոնական հրապարակումից հետո եւ կգործի ուժի մեջ մտնելուց 9 ամսվա ընթացքում: 

!
Այս նյութը հասանելի է նաև   Русский
Տպել
Ամենաշատ