Դանդոլքում Սուրբ Պատրիկի գերեզմանատանը մեծ արագությամբ ընթացող ավտոմեքենան մխրճվել է բազմության մեջ՝ լուրջ վնասվածքներ հասցնելով տարեց տղամարդուն, հաղորդում է PA-ն:
Նշվում է, որ այդ օրը գերեզմանատանը հավաքվել էին հազարավոր մարդիկ, որոնք մասնակցում էին հանգուցյալների հիշատակման ամենամյա արարողակարգին:
Տուժածը տեղափոխվել է հիվանդանոց, եւս մի քանի մարդ ստացել են թեթեւ վնասվածքներ:
Ոստիկանությունում հայտնել են, որ Դանդոլքում դեպքի առնչությամբ ձերբակալվել է 20-ամյա տղամարդ, որը, ենթադրաբար, արագություն սիրող վարորդներից է:
