News
Լրահոս
News
Երեքշաբթի
Օգոստոս 09
USD
406.28
EUR
415.5
RUB
6.72
Տեսնել լրահոսը

Ուկրաինայի Գերագույն ռադայի պատգամավոր Նադեժդա Սավչենկոն, որն առաջադրվել էր Դոնեցկի մարզի միամանդատ ընտրատեղամասում, նոր գումարման խորհրդարանում չի լինելու։

«Նադեժդա Սավչենկոն ընդամենը ութ ձայն է հավաքել»,- երկուշաբթի տեղեկացրել է Ուկրաինայի «Հանրային ՏՎ»-ն։

«Նադեժդա Սավչենկոյի հասարակական-քաղաքական պլատֆորմ» կուսակցության նախագահի տեղակալ Տատյանա Պրոտորչենկոն շնորհակալություն է հայտնել նրանց, ովքեր աջակցել են Սավչենկոյին եւ կշտամբել մյուսներին։ «Դոնբասում այլ ընտրություն են կատարել։ Բոլորին ցանկանում են ստանալ այն, ինչ ընտրել են։ Ուկրաինացիները Դոնբասում առայժմ քիչ բան են հասկացել»,- գրել է նա Ֆեյսբուքում։

Այդ տեղամասում հաղթել է ինքառաջադրված թեկնածու Ալեքսանդր Կովալյովը։

Նադեժդա Սավչենկոն, որին զրկել էին պատգամավորական իմունիտետից ահաբեկչություն պատրաստելու կասկածանքով, առաջադրվել էր պատգամավորի թեկնածու 51-րդ տեղամասում, Զայցեւո ավանում։ Ավանը գտնվում է շփման գծից ոչ հեռու։

Գերագույն ռադայի արտահերթ ընտրություններն Ուկրաինայում տեղի են ունեցել կիրակի։ Արձանագրությունների 44 տոկոսի ստուգումից հետո «Ժողովրդի ծառա» կուսակցությունը հավաքել է 42,34 տոկոս, «Ընդդիմադիր պլատֆորմ՝ հանուն կյանքի» կուսակցությունը՝ 12,79 տոկոս։ Երրորդ տեղում նախկին նախագահ Պյոտր Պորոշենկոյի «Եվրոպական համերաշխությունն» է՝ 8,69 տոկոս, այնուհետեւ՝ նախկին վարչապետ Յուլյա Տիմոշենկոյի «Բատկիվշչինան»՝ 8,08 տոկոս, հնգյակը եզրափակում է երաժիշտ Սվյատոսլավ Վակարչուկի «Ձայն» կուսակցությունը՝ 6,39 տոկոս։

Ընտրությունների պաշտոնական արդյունքները հրապարակվելու են ԿԸՀ-ի կողմից մինչեւ օգոստոսի 5-ը ներառյալ։

!
Այս նյութը հասանելի է նաև   Русский
Տպել
Ֆոտոռեպորտաժներ