News
Լրահոս
News
Չորեքշաբթի
Օգոստոս 10
USD
406.28
EUR
415.5
RUB
6.72
Տեսնել լրահոսը


Այսօր մեր աչքի առաջ մի տեսարան է, որը խորհրդանշում է այն սերնդափոխությունը, որ տեղի է ունենում ՀՀ-ում, Հայաստանի զինված ուժերում: Այս մասին, այսօր՝ հուլիսի 22-ին, ՊՆ վարչական համալիրում, Ռազմաուսումնական հաստատությունների շրջանավարտների դիպլոմների հանձնման արարողության ժամանակ դիմելով ներկաներին հայտարարեց ՀՀ վարչապետ Նիկոլ Փաշինյանը:

Նա, մասնավորապես, նշեց. «Այսօր այս հրապարակում կանգնած են մարդիկ, որոնք գտնվում են արցախյան ազատամարի ակունքներում: Այս հրապարակում կանգնած են ավագ խմբի սպաներ, որոնք արդեն ծառայական բավական տպավորիչ ուղի ունեն եւ այդ ուղին խորհրդանշող շքանշաններ:

Այսօր այս հրապարակում կանգնած են ռազմաուսումնական հաստատությունների շրջանավարտներ, որոնք իրենց կյանքում առաջին անգամ ստանում են սպայական կոչում: Սպայական ծառայությունը թերեւս կամային ամենաբարձր չափանիշներ պահանջող ծառայության տեսակ է, որովհետեւ պահանջում է կամք, անվերապահ եւ առանց քննարկման ի կատար ածել հրամանները, անվերապահ եւ առանց քննարկման ապահովել սեփական հրամանների ի կատար ածումը: Սա բարոյական ինտելեկտուալ հոգեբանական ահռելի ուժ պահանջող գործունեություն է:

Այսօր ձեր ներկայությունն այս հրապարակում վկայում է, որ դուք կայացրել եք որոշում, ունեք սեփական ուժերի նկատմամբ բավարար վստահություն, որ կարող եք կրել այսպիսի անկրելի թվացող բեռ:

Լինել սպա, լինել հրամանատար նշանակում է երբեմն այնպիսի գործողությունների ուղարկել սեփական ենթականերին, որտեղից վերադառնալու հավանականությունը մեծ չէ: Լինել սպա, նշանակում է ստանձնել այդպիսի հրամանների կատարումը:

Սա նշանակում է, որ յուրաքանչյուր հրամանի ձեւակերպում առանձնակի պատասխանատվություն է պահանջում ձեզնից յուրաքանչյուրից, որովհետեւ հրամանները պետք է լինեն խելամիտ, արդարացված, իրավիճակի ճշգրիտ գնահատականներից բխող եւ այնպիսին, որ ծառայեն ՀՀ զինված ուժերին, ՀՀ-ին եւ նրա ժողովրդին: Սա նշանակում է, որ յուրաքանչյուր սպայի հեղինակությունը շատ ավելի մեծ պետք է լինի, քան նրա ուսադիրների զինվորական նշանակությունը:

Ուսադիրների արժեքը մեծանում է յուրաքանչյուր սպայի նկատմամբ ենթակաների ունեցած հարգանքով: Այդ հարգանքը ձեռքբերում է, որ ձեզնից յուրաքանչյուրը վաստակելու է կամ արդեն վաստակել է իր ծառայությամբ, ուրիշների նկատմամբ իր ունեցած հարգանքով, սեփական անձի նկատմամբ ունեցած բացառիկ հարգանքով:

Այս դժվար ճանապարհն անցնելու ձեր հանձնառությունը մաղթում եմ, որ լինի առավել արդյունավետ, առավել հաղթական բոլորիս համար:

Ուզում եմ առանձնահատուկ ողջունել ձեր շարքերում կանանց  ներգրավվածությունը, որ արդեն երկար տարիներ տեղի ունի ՀՀ զինված ուժերում: Սա մեր հանրության վերափոխման կարեւորագույն ցուցիչ է, որովհետեւ կանայք Հայաստանում ունեն հսկայական ներուժ: Կանայք մեր բնակչության մեծամասնությունն են եւ մենք պարտավոր ենք ստեղծել բոլոր հնարավորությունները, որ նրանք կարողանան արդյունավետ եւ արժանապատիվ ծառայություն մատուցել Հայաստանի Հանրապետությանը, Զինված ուժերում, պետական ծառայության, տնտեսության մեջ եւ ամենուր:

Ես ուզում եմ մաղթել, որ ձեր ծառայության արդյունքում հասնեք նրան, որ կրեք գեներալական ուսադիրներ: Ուզում եմ մաղթել, որ այդ պրոցեսը լինի ոչ թե կապերի, ծանոթությունների արգասիք, ես հավատացած եմ, որ դա կլինի ձեզնից յուրաքանչյուրի արժանիքի օբյեկտիվ գնահատական»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Զենքի օգտագործման կանոնները խախտելու հետևանքով վիրավորում են ստացել երկու պայմանագրային զինծառայող․ ՊԲ
Դեպքի մանրամասները պարզելու համար կատարվում է քննություն․․․
«Ամեն ինչ կպատմեմ ծնողներիդ, եթե այդ երեքին չսպանես». Հայտնի է 3 զինծառայողի սպանության շարժառիթը
Երեք զինծառայողի սպանության դեպքի առթիվ հարուցված քրվարույթի նախաքննությունն ավարտվել է...
Պարտադիր ժամկետային զինծառայողի մահվան գործով ձերբակալվել է համածառայակիցը. Մանրամասներ են հայտնի դարձել
Միջնորդություն է հարուցվել դատախազություն՝ զինծառայող Ա. Մանուկյանի…
2022-ի հունվար–հունիսին 2021-ի համեմատ, կտրուկ աճել են հրադադարի ռեժիմի խախտման հետևանքով զինծառայողների մահվան դեպքերը
Տվյալները հավաքագրվել են զանգվածային լրատվամիջոցներով և պաշտոնական աղբյուրներով տարածված տեղեկությունների, ինչպես նաև պաշտոնական...
Բուժկետի պետ 37–ամյա Քրիստինե Չիչյանը Շիրակի մարզից էր. նա մահացել է ավտոպատահարի հետեւանքով (ֆոտո)
Ավելի վաղ հայտնել էինք, որ հուլիսի 15-ին ՀՀ ՊՆ N զորամասում տեղի ունեցած դժբախտ…
Բանակի «ռեֆորմները» սկսեցին, երբ հրամանատարները ստիպված լքեցին բանակի շարքերը. Աբրահամյան
2 տարի առաջ այս օրերին Տավուշում մարտական գործողություններ էին. Ճիշտ է…
Ամենաշատ
Ֆոտոռեպորտաժներ