News
Լրահոս
News
Ուրբաթ
Մարտ 29
Տեսնել լրահոսը

Մեծ Բրիտանիայի վարչապետ Թերեզա Մեյը հրաժարականից հետո  կշարունակի իր պարտականությունները կատարել որպես Միացյալ Թագավորության խորհրդարանի Համայնքների պալատի պատգամավոր: Այս մասին նա հայտարարել է չորեքշաբթի իր վերջին վարչապետական նստաշրջանի ընթացքում `պատասխանելով խորհրդարանականների հարցերին, հայտնում է ՏԱՍՍ-ը:

«Իմ պարտականությունների կատարումից հետո ես հանդիպում կունենամ Եղիսաբեթ 2-րդի հետ, իսկ հետո կշարունակեմ աշխատանքն այդ պալատում որպես շարքային պատգամավոր», - ասել է նա:

Մայիսի 24-ին Մեյը հայտարարել էր սկզբում իշխող Պահպանողական կուսակցության ղեկավարի պաշտոնից հրաժարական տալու մասին, իսկ թորիի նոր առաջնորդի ընտրվելուց հետո նաեւ վարչապետի պաշտոնից:

Դրան նախորդել էին   Բրեքսիտի կապակցությամբ Համայնքների պալատի աջակցությունը ստանալու հետ կապված վարչապետի երեք անհաջող փորձերը:

Խորհրդարանի գործողությունների արդյունքում ի սկզբանե  տապալվել էր  2019 թվականի մարտի 29-ին նախատեսված ԵՄ-ից Բրիտանիայի դուրս գալը, որից հետո Բրյուսելը համաձայնել էր հետաձգել  այն՝ սկզբում ապրիլ-մայիսին, իսկ հետո հոկտեմբերի 31-ին:

!
Այս նյութը հասանելի է նաև   Русский
Տպել
Ամենաշատ