News
Լրահոս
News
Երեքշաբթի
Մայիս 28
Տեսնել լրահոսը

Չինաստանը հրաժարվում է միջուկային սպառազինության մրցավազքից եւ ոչ մի դեպքում առաջինը միջուկային զենք չի կիրառի: Այս մասին ասվում է Պեկինում հրատարակված «Չինաստանի ազգային պաշտպանությունը նոր դարաշրջանում» գրքում:  

Փաստաթղթում նշվում է, որ Չինաստանը կարող է միջուկային զենք կիրառել միայն ինքնապաշտպանության նպատակով, հաղորդում է DW-ը:

Բացի այդ, նշվում է իր բանակի տեխնիկական հագեցման Չինաստանի մտադրության մասին:

Պեկինում նշում են, որ ժամանակակից աշխարհում ռազմական գործողություններում առավել հաճախ կիրառվում են թվային տեխնոլոգիաներ եւ ինտելեկտուալ տեղեկատվական համակարգեր:

Պեկինում նշում են նաեւ ԱՄՆ պաշտպանական ծախսերի աճի մասին եւ Վաշինգտոնին մեղադրում «խոշոր երկրների միջեւ մրցակցությունը հրահրելու եւ ռազմավարական կայունությանը խոչընդոտելու» մեջ: Մասնավորապես, Չինաստանի կարծիքով՝ Հարավային Կորեա հակահրթիռային պաշտպանական համակարգերի մատակարարումը «լրջորեն խախտում է տարածաշրջանում ռազմավարական հավասարությունը»:

Պաշտպանական ծախսերի առումով Չինաստանն ԱՄՆ-ից հետո երկրորդ տեղում է, ընդ որում, 2019թ. Պեկինը մտադիր է դրանք մեծացնել 7,5%-ով: 

!
Այս նյութը հասանելի է նաև   Русский
Տպել
Ամենաշատ