ԱՄՆ նախագահ Դոնալդ Թրամփին չի կարելի արդարացված համարել 2016թ. ԱՄՆ նախագահական ընտրություններին ռուսական միջամտության հարցով հետաքննության արդյունքներով: Այս մասին հայտարարել է նախկին հատուկ դատախազ Ռոբերտ Մյուլերը:
Նա հիշեցրել է, որ իրեն հանձնարարվել էր հետաքննել Ռուսաստանի հնարավոր միջամտությունը, մասնավորապես, ռուսական հատուկ ծառայությունների 12 սպաների գործողությունները, որոնք ավելի ուշ մեղավոր են ճանաչվել: Մյուլերն ընդգծել է, որ Ռուսաստանի միջամտությունն ընտրություններին սիստեմատիկ բյութ է կրել:
Սակայն նա նշել է, որ չի կարելի Թրամփին լիովին արդարացված համարել:
«Նախագահի վրայից չի կարելի հանել կասկածները՝ կապված գործողությունների հետ, որոնք նա, եթնադրաբար, կատարել է»,- նրա խոսքը մեջբերում է «Ամերիկայի ձայն»-ը:
Ընդ որում, նա հայտնել է, որ հետաքննություն որեւէ բավարար հիմք չի հայտնաբերել, որի հիման վրա Թրամփին հնարավոր է մեղադրել Ռուսաստանի հետ գործարքի մեջ:
Պատասխանելով հարցին, թե ինչու է Թրամփը ցանկացել աշխատանքից ազատել հատուկ դատախազին, Մյուլերն ասել է, որ այդ հարցի պատասխանն առկա է իր ներկայացրած զեկույցում:
Նախկին հատուկ դատախազը հիշեցրել է, որ նախագահի նկատմամբ կարող են մեղադրանքներ առաջադրվել նախագահի պաշտոնը զբաղեցնելու ընթացքում:
