News
Լրահոս
News
Չորեքշաբթի
Օգոստոս 12
USD
485.32
EUR
572.14
RUB
6.66
ME-USD
0.01
Տեսնել լրահոսը

Վրաստանի հետ մեր օրակարգը չափազանց լայն է: Այս մասին Վրաստանում վիրահայ համայնքի ներկայացուցիչների հետ հանդիպումից հետո լրագրողների հետ զրույցում նշել է ԱԳ նախարար Զոհրաբ Մնացականյանը՝ անրդադառնալով Վրաստանի ԱԳ նախարարի եւ վարչապետի հետ իր հանդիպումներում քննարկված հարցերին:

«Նկատի առեք, որ ունենք բավական կայուն կանոնավոր երկխոսություն մեր արտաքին քաղաքական գերատեսչությունների միջեւ: Այս մեկ տարվա ընթացքում արդեն տեղի են ունեցել երկու խորհրդակցություններ ԱԳՆ-ների միջեւ, մենք` իմ գործընկերոջ հետ բավական ակտիվ ենք շփվում եւ հաճախ առիթներ ենք ունենում միասին աշխատելու եւ որեւէ սահմանափակում չունենք որեւէ պահի եւ ցանկացած ձեւով շփվելու առումով:

Այս պաշտոնական այցի շրջանակներում մենք նորից անդրադարձանք այն բոլոր հարցերին, որոնք վերաբերում են մեր երկու երկրների անվտանգային համակարգերին եւ այն մարտահրավերներին, որ առնչվում են մեր անվտանգային համակարգերին: Նաեւ ընդգծեցինք այն, ինչ շատ բնական համատեղ շահագրգռվածություն է՝ զարգացնելու հարաբերությունները այն ուղղությամբ, որոնք ներդրում են տարածաշրջանային խաղաղությանը եւ կայունությանը:

Այդ առումով մեր երկու երկրները ունեն շատ ընդգծված հետաքրքրություն  եւ շահագրռգվածություն:

Մենք շատ բավարարված ենք այդ բավական ակտիվ  դինամիկայով, որ գոյություն ունի մեր երկկողմ հարաբերություններում այս տարվա ընթացքում: Գիտեք` որքան հանդիպումներ են եղել բոլոր մակարդակներով, վարչապետների մակարդակով հարաբերությունները բավական ակտիվ են, նախագահների մակարդակով այդ ակտիվ հարաբերությունները եւ շփումը կան, կա խորհրդարանական հարթակը, որտեղ նույնպես բավական ակտիվ աշխատանք է տարվում:

Մենք փորձում ենք էլ ավելի քաջալերել բիզնես շրջանակների, քաղաքացիական հասարակությունների շփումները, համատեղ աշխատանքը բոլոր մակարդակներով: Սա նույնպես բնականաբար այն հարցերից է, որին մենք անդրադարձել ենք եւ՛ Վրաստանի նախարարի, եւ՛ Վրաստանի վարչապետի հետ հանդիպման ժամանակ: Եվ  մեզ համար աշխատելու շատ մեծ հիմք են Երեւանում տեղի ունեցած միջկառավարական հանձնաժողովի աշխատանքները, որոնց ծավալը բավական մեծ է: Անդրադարձ է կատարվել բազմաթիվ հարցերի՝ ենթակառուցվածքներից մինչեւ տնտեսության, կրթության, գիտության, զբոսաշրջության եւ այլ ոլորտներին: Բավական ծավալուն են հարաբերությունները եւ ծավալուն է օրակարգը, որը ձեւավորվել է մեր կառավարությունների միջեւ եւ արտահայտվել է միջկառավարական հանձնաժողովների շրջանակներում:

Դրա հարցերը, եւ որոշ հարցերին անդրադառնալը, որոնք բխում էին միջկառավարական հանձնաժողովների աշխատանքներից, նույնպես այսօր մեր օրակարգային հարցերն էին եւ արտահայտվել են թե՛ արտգործնախարարի, թե՛ Վրաստանի վարչապետի հետ հանդիպումներ ժամանակ:

Պետք է ասեմ, որ ես իսկապես  շատ զգացված եմ եւ շատ շնորհակալ եմ, որ բավական ջերմ ընդունելության արժանացա այստեղ` Վրաստանում, շատ բարեկամական մթնոլորտում աշխատում ենք միասին, եւ նաեւ շատ տպավորիչ էր այն, որքան անմիջապես Վրաստանի վարչապետը իր ներդրումն է ունենում այն աշխատանքին, որ վերաբերում է հայ-վրացական հարաբերությունների զարգացմանը»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Հրապարակ». Հայաստանից գնացքները չեն կարող հասնել Փոթիի կամ Բաթումիի նավահանգիստներ
Ստացվում է՝ 16 օր բեռնափոխադրում չի իրականացվի, մինչդեռ երկաթուղով են Հայաստան ներկրվում բենզին ու դիզվառելիք, պարենային...
Վրաստանը վերահաստատել է իր պատրաստակամությունն օգնել ՀՀ-ին կորոնավիրուսի դեմ պայքարում
«Վրացական կողմն աջակցություն կցուցաբերի` կախված այն կարիքներից, որոնք կնշի հայկական կողմը․․․
Պատրաստ ենք ՀՀ-ին 10․000 PCR թեստ նվիրել, իսկ նմուշառումները հետազոտել Լուգարի լաբորատորիայում․ Ա․Գամկղրելիձե
Եթե ունենանք նմուշառումները, 24 ժամվա ընթացքում կտանք պատասխանները, կամ կարող ենք․․․
Վրաստանը կօգնի Հայաստանին բժշկական անձնակազմով. Գախարիա
«Ոչ մի երկիր չի կարող հաղթահարել կորոնավիրուսի հետեանքով առաջացած ճգնաժամը...
Հայաստանն ու Վրաստանը պատրաստվում են աշնանը համավարակի հնարավոր տարածմանը. Նախարարները զրուցել են
Արսեն Թորոսյանը հեռախոսազրույց է ունեցել Վրաստանի իր գործընկերոջ հետ...
Թբիլիսիից շնչառական սարքեր են ուղարկվում Հայաստան. aliq.ge
Պավել Օգանեզովի առաջարկով նաեւ դրամահավաք է սկսվել «Մեկ դիմակ, մեկ կյանք» կարգախոսով...