ՀՀ նախագահ Արմեն Սարգսյանը ցավակցական հեռագիր է հղել Թունիսի Հանրապետության նախագահ Ալ Բաջի Կաիդ Ալ Սիբսիի մահվան կապակցությամբ:
Նախագահը մասնավորապես նշել է, որ կիսում է Թունիսի բարեկամ ժողովրդի եւ նախագահ Ալ Սիբսիի մերձավորների վիշտը:
Ավելի վաղ հայտնել էինք, որ 92 տարեկանում մահացել է Թունիսի նախագահ Բեժի Կաիդ աս-Սեբսին:
Ավելի վաղ ԶԼՄ-ները հաղորդել էին, որ Թունիսի նախագահին լուրջ հիվանդության պատճառով տեղափոխել են ռազմական հոսպիտալ: Աս-Սաեբսիին անցյալ շաբաթ արդեն հոսպիտալացրել էին:
Աս-Սեբսին Թունիսի նախագահ է 2014-ի վերջից: Վերջերս նա հայտարարել էր, որ չի մասնակցի նոյեմբերին կայանալիք նախագահական ընտրություններին, քանի որ երկիրը պետք է ղեկավարի ավելի երիտասարդ մարդ:
