ՀՀ աշխատանքի եւ սոցիալական հարցերի նախարարի հրամանով 2019 թվականի հուլիսի 25-ից Արամ Պետրոսյանը նշանակվել է Սոցիալական ապահովության ծառայության պետի տեղակալ:
Ավելի վաղ հայտնել էինք, որ աշխատանքից ազատվել է ՀՀ աշխատանքի եւ սոցիալական հարցերի նախարարության ենթակայությամբ գործող Սոցիալական ապահովության ծառայության պետի տեղակալ Արսեն Օհանյանը։
Նշենք, որ Սոցիալական ապահովության ծառայության (ՍԱԾ) պետի տեղակալ, նախկին ակտիվիստ Արսեն Օհանյանը Ֆեյսբուքով ի լուր աշխարհի հայտարարել է, թե պետական համակարգում ներքին լարվածություն կա: «Այստեղ իրավիճակը հունից դուրս է եկել, քանի որ իրար դեմ անհաշտ պայքար են մղում հեղափոխական երկու նորեկ ղեկավարները՝ ՍԱԾ պետ Սուրեն Ղամբարյանը եւ նրա տեղակալ Արսեն Օհանյանը»,-գրել է «168 ժամ» թերթը https://news.am/arm/news/524115.html, իսկ նախարար Զարուհի Բաթոյանը խոստովանել է, որ պրոցեսները նոր չեն, եւ խնդիրը շատ լուրջ են:
