«Էյ էնդ Ար» տուրիստական ընկերության գրասենյակում ընկերության տնօրենը եւ Հուրգադա–Երեւան չվերթի չեղարկման դեմ բողոքող քաղաքացիները քննարկում են անցկացրել։ Բողոքող քաղաքացիները պահանջում էին հստակ պատասխան տալ իրենց, թե արդյոք չվերթ լինելու է, իսկ եթե ոչ, պահանջում էին վերադարձնել տուրիստական փաթեթի գումարը։
Քաղաքացիներից ոմանք կտրականապես հրաժարվում էին մեկնել նույնիսկ եթե չվերթն իրականացվի՝ պատճառաբանելով, որ կորցրել են վստահությունը եւ չունեն երաշխիք, որ չեն հայտնիվի այսօր Հուրգադայում մնացած քաղաքացիների կարգավիճակում։
Այնտեղ էին նաեւ ՀՀ ոստիկանության Կազմակերպված հանցավորության դեմ պայքարի (6-րդ) գլխավոր վարչության կոռուպցիայի եւ տնտեսական գործունեության դեմ ուղղված հանցագործությունների հակազդման վարչության ծառայողները, ովքեր քաղաքացիներից հետաքրքրվում էին, արդյոք չեն ցանկանում դեպքով հաղորդում ներկայացնել Ոստիկանություն։
Ավելի ուշ լրագրողների հետ խոսեց փաստաբան Արսեն Մկրտչյանը, որը նշեց, որ այս պահին իրենց համար առաջնային է հուրգադայում մնացած քաղաքացիների վերադարձի կազմակերպումը, հետո նոր կխոսեն փոխհատուցման մասին։ Նրա խոսքով՝ ՀՀ քաղաքացիների՝ Հայաստան վերադարձնելու աշխատանքներում ներգրավված է նաև Ազգային անվտանգության ծառայությունը։ Տուրիստական կազմակերպության տնօրեն Անի Ալեքսանյանը լրագրողների հետ զրույցում հայտնեց, որ եղել է Ազգային անվտանգության ծառայությունում ու քննարկել է ստեղծված իրավիճակը: Ալեքսանյանի խոսքով՝ առաջիկայում բոլոր քաղաքացիների գումարները կվերադարձվեն:
Ավելի վաղ հայտնել էինք, որ «Էյ էնդ Ար» տուրիստական ընկերության դիմաց բողոքի ակցիա են անում մի խումբ քաղաքացիներ։ Նրանք այդպիսով իրենք դժգոհությունն են արտահայտում Հուրգադա–Երեւան չվերթի չեղարկման կապակցությամբ։ Քաղաքացիներիղղ մեկն ասել է, որոնք պետք է այսօր Երեւանից մեկնեին Հուրգադա, սակայն չվերթը չի իրականացվել։
Ավելի վաղ Եգիպտոսում ՀՀ դեսպանությունը տեղեկացրել էր, որ հուլիսի 25-ին Հուրգադա-Երեւան թիվ OTF 3703 չվերթի չեղարկման պատճառով այս պահի դրությամբ Հուրգադայում գտնվում է մոտ հարյուր ՀՀ քաղաքացի։
