SHAMSHYAN.com-ի տեղեկություններով՝ երեկ, հուլիսի 24-ին, ավտովթար է տեղի ունեցել Գեղարքունիքի մարզում։ Ժամը 22։00-ի սահմաններում Վարդենիս քաղաքի բնակիչ՝ 23-ամյա Վիգեն Ղ-ն իր վարած Mercedes G 500 մակնիշի 91 AC 999 համարանիշի ավտոմեքենայով Վ. Համբարձումյան փողոցում դեռեւս անհայտ պայմաններում դուրս է եկել երթեւեկելի գոտուց եւ բախվել ծառին։

Բախման հետեւանքով ավտոմեքենան կողաշրջվել է, իսկ ավտոմեքենայում էլ հրդեհ է բռնկվել, որը քաղաքացիների օգնությամբ մարվել է։

Վթարի հետեւանքով վարորդ Վիգեն Ղ-ն, նրա ուղեւոր՝ Վարդենիսի բնակիչ, 22-ամյա Արկադի Պ-ն մարմնական վնասվածքներով տեղափոխվել են Գեղարքունիքի կայազորային հոսպիտալ։

Դեպքի վայր են ժամանել ճանապարհային ոստիկանության ծառայողները։  Հետաքննիչի կողմից փաստի առթիվ նյութեր են նախապատրաստվում։