Չինաստանը դեմ է արտահայտվել Իրանի արտգործնախարար Ջավադ Զարիֆի նկատմամբ ԱՄՆ-ի միակողմանի պատժամիջոցներին եւ Վաշինգտոնին կոչ է անում ջանքեր գործադրել տարածաշրջանում կայունության պահպանման համար, հինգշաբթի ասել է Արտաքին գործերի նախարարության պաշտոնական ներկայացուցիչ Խուա Չունիին, հաղորդում է «ՌԻԱ Նովոստին»:
ԱՄՆ իշխանությունները չորեքշաբթի պատժամիջոցների ցանկում ներառել էին Իրանի արտգործնախարար Ջավադ Զարիֆին:
ԱՄՆ վարչակազմի բարձրաստիճան աշխատակիցը հայտնել է, որ Վաշինգտոնը Զարիֆին այլեւս առաջնահերթ անձ չի համարում. նա այդպիսին էր միջուկային գործաքրի քննարկման ժամանակ, որից ԱՄՆ-ն դուրս է եկել: Ավելի ուշ Զարիֆը հայտնել էր, որ ԱՄՆ-ն նրա դեմ պատժամիջոցներ է կիրառել, քանի որ նրան սպառնալիք է համարել ամերիկյան օրակարգին:
«Մենք ուշադրություն դարձրեցինք ամերիկյան կողմի հայտարարությանը եւ անձամբ պարոն Զարիֆի արձագանքին:
Այս հարցում չինական կողմի դիրքորոշումը շատ հստակ է:
Չինական կողմը դեմ է հանդես գալիս ԱՄՆ-ի միակողմանի պատժամիջոցներին եւ արտերկրյա ենթադատությանը:
Մենք կարծում ենք, որ դա չի նպաստում խնդիրների լուծմանը», - ճեպազրույցին ասել է Խուա Չունիին:
Նա ընդգծել է, որ բանակցությունը եւ երկխոսությունը խնդրի լուծման հիմնական ուղիներն են:
