Իրանի արտաքին գործերի նախարար Մոհամմադ Ջավադ Զարիֆն ԱՄՆ-ին կոչ է արել դադարեցնել ինքնամեկուսացումը Փոքր եւ միջին հեռահարության հրթիռների ոչնչացման մասին պայմանագրից (ՓՄՀՀՊ) հրաժարվելուց հետո, հաղորդում է «ՌԻԱ Նովոստի»-ն:
«Ո՛չ Չինաստանի եւ Իրանի նկատմամբ տնտեսական ահաբեկչությունը, ո՛չ պայմանագրից միակողմանի դուրսբերումը չեն փոխի գլոբալ առեւտրում եւ ուժերի հարաբերակցությունում առաջընթացը: ԱՄՆ-ը պետք է դադարեցնի ինքնամեկուսացումն ու ադապտացվի նոր գլոբալ իրականաությանը»,- Twitter-ում գրել է Զարիֆը:
Ավելի վաղ ՌԴ ԱԳՆ-ը հայտնել էր, որ ՓՄՀՀՊ-ի գործողությունը դադարեցվել է օգոստոսի 2-ից ԱՄՆ-ի նախաձեռնությամբ: Վաշինգտոնը տարեսկզբին հայտնեց պայմանագրից միակողմանի դուրսբերման մասին: Մոսկվան, որը եւս պահանջներ ունի՝ կապված ԱՄՆ-ի կողմից պայմանագրի իրականացման հետ, հայելային միջոցներ է ձեռնարկել:
2015թ. հուլիսի 14-ին «վեցնյակն» (Մեծ Բրիտանիա, Գերմանիա, Չինաստան, Ռուսաստան, ԱՄՆ եւ Ֆրանսիա) ու Իրանը հայտարարեցին Գործողությունների համատեղ համապարփակ ծրագրի հասնելու մասին: Համաձայնագիրը ենթադրում էր պատժամիջոցների չեղարկում՝ Իրանի միջուկային ծրագրի սահմանափակման փոխարեն: Գործարքը տեւեց 3 տարի՝ 2018թ. մայիսին ԱՄՆ-ը հայտարարեց միակողմանի դուրսբերման եւ Իրանի դեմ պատժամիջոցների թարմացման մասին:
ԱՄՆ դուրսբերման մեկ տարին լրանալուն պես մայիսի 8-ին Իրանը հայտարարեց ծրագրի իր պարտավորությունների մի մասի դադարեցման եւ ուրանի հարստացման մասին:
