ՌԴ նախագահ Վլադիմիր Պուտինը վավերացրել է Հավաքական անվտանգության պայմանագրի կազմակերպության (ՀԱՊԿ) կանոնադրությունը փոփոխող արձանագրությունները, հաղորդում է «ՌԻԱ Նովոստի»-ն:
Արձանագրություններից մեկը ստորագրվել է Ռուսաստանի, Հայաստանի, Բելառուսի, Ղազախստանի, Ղրղզստանի եւ Տաջիկստանի կողմից Աստանայում 2018թ. նոյեմբերի 8-ին եւ նախատեսում է, որ Հավաքական անվտանգության Խորհրդի կազմում մտնում են ՀԱՊԿ պետությունների ղեկավարները կամ կառավարությունների ղեկավարները, եթե իրենց պետության օրենսդրության համապատասխան իրավասություններ են տրված Խորհրդում ներառված հարցերի լուծման համար:
Մեկ այլ արձանագրություն փոփոխություններ է մտցնում կանոնադրությունում: Դրանք նախատեսված են դիտորդական կարգավիճակի տրամադրմանն այն երկրներին, որոնք ՀԱՊԿ անդամ չեն, եւ միջազգային կազմակերպություններին, որոնք շահագրգիռ են բաց նորմատիվ իրավական բազայով, ՀԱՊԿ գործունեության պրակտիկայի եւ փորձի ուսումնասիրմամբ:
Համաձայն արձանագրության՝ ՀԱՊԿ անդամ չհամարվող պետություններն ու միջազգային կազմակերպությունները, որոնք կիսում են դրա նպատակներն ու սկզբունքները եւ ցանկանում են մասնակցել եւ կազմակերպության հետ զարգացնել փոխգործակցությունը, կարող են գործընկերոջ կարգավիճակ ստանալ:
Արձանագրությունը նաեւ ենթադրում է առավելությունների եւ իմունիտետի տրամադրում ոչ միայն ՀԱՊԿ գլխավոր քարտուղարին եւ նրա ընտանիքի անդամներին, այլ նաեւ նրա տեղակալներին եւ տեղակալների ընտանիքներին այն ծավալով, որը նախատեսված է 1961թ. ապրիլի 18-ի դիվանագիտական հարաբերությունների մասին Վենետիկի կոնվենցիայով:
