Երկուշաբթի չինական ZTE ընկերությունը սկսել է 5G - Axon 10 Pro կապի տեխնոլոգիայի աջակցությամբ առաջին սմարթֆոնի վաճառքը: Այս մասին նշված է WeChat-ում հրապարակված ընկերության հայտարարության մեջ, փոխանցում է ՏԱՍՍ-ը:
Հուլիսի 23-ին ZTE-ն սկսել է 4999 յուան (շուրջ 722 դոլար) գնով հեռախոսների նախնական վաճառքը: Հաղորդվում էր, որ ընկերությունը բանակցություններ է վարում Չինաստանի խոշորագույն մանրածախ ցանցերի հետ, ինչպես նաեւ նախատեսում է Axon 10 Pro-ն վաճառել ZTE-ի պաշտոնական խանութներում:
Սարքը հագեցած է նորագույն 8-միջուկանի Snapdragon 855 պրոցեսորով՝ 6 Գբայթ օպերատիվ հիշողությամբ, որն աշխատում է Android 9.0 Pie օպերացիոն համակարգով: Ներկառուցված հիշողության ծավալը կազմում է 128 Գբայթ, ընդ որում՝ սմարթֆոնը հագեցած է microSD քարտի համար սլոթով՝ մինչեւ 512 Գբայթ տարողությամբ: Մարտկոցի տարողությունը կազմում է 4 հազար միլիամպեր/ժամ:
Այս տարվա հուլիսին 5-րդ սերնդի բջջային կապի համար սմարթֆոնների առաջին 8 մոդելները Չինաստանում որակի հավաստագիր են ստացել, ինչը հնարավորություն է տվել դուրս գալ չինական շուկա: Huawei ընկերությունը 4 մոդել է ներկայացրել, մնացյալ 4 հավաստագրերը ստացել են չինական արտադրողներ Oppo-ն, Vivo-ն ZTE-ն եւ One Plus-ը: