Ավստրալիայի ազգային համալսարանի աստղադիտարանի աստղագետները հայտնաբերել են Տիեզերքի առաջին աստղերից մեկի հետքերը: Դրանք հայտնաբերվել են Ծիր Կաթին համաստեղության ծայրում, հաղորդում է ՏԱՍՍ-ը:
Աստղագետ Թոմաս Նորդլանդերի խոսքով՝ հին կարմիր հսկան, որը գտնվել է Արեգակնային համակարգից 35 հազար լուսային տարի հեռավորության վրա, հավանաբար հայտնվել է առաջին աստղերի բռնկման արդյունքում:
Նորդլանդերն ու նրա գործընկերները համեմատել են Ծիր Կաթին համաստեղության ծայրում հայտնաբերված աստղերի տարրերի կառուցվածքը Տիեզերքի ենթադրյալ առաջին աստղերի կառուցվածքի հետ եւ հայտնաբերել են մի շարք նմանություններ: Կարմիր հսկայի կազմում, որը ստացել է SMSS J160540.18-144323.1 անվանումը, երկաթի ցածր մակարդակ է հայտնաբերվել, ինչը նշանակում է, որ աստղը ծնվել է Տիեզերքի առաջին աստղերից մեկ սերունդ անց:
Նորդլանդերը պատմել է, որ այն հավանաբար ծնվել է Մեծ պայթյունից մի քանի հարյուր միլիոն տարի անց:
«Եթե կարելի է այսպես արտահայտվել, ապա դա շատ անեմիկ աստղ է՝ երկաթի ցածր մակարդակով, մոտ 1,5 մլն անգամ քիչ, քան Արեգակի մոտ»,- ասել է աստղագետը:
Աստղագետները նշում են, որ այժմ կա հավանականություն իրական առաջին աստղերի հայտնաբերման համար, եւ նրանք լավատեսորեն են տրամադրված: