2019 թվականը կարող է մտնել հետազոտությունների պատմության մեջ ամենատաք տարիների հնգյակում, հաղորդում է ՏԱՍՍ-ը:
Նման կանխատեսմամբ հանդես է եկել Ժնեւում Համաշխարհային մետեորոլոգիական կազմակերպությունը:
«Կազմակերպությունն ակնկալում է, որ 2019 թվականը կմտնի հետազոտությունների պատմության ընթացքում ամենատաք տարիների հնգյակում»,- ասել է կազմակերպության գլխավոր քարտուղար Պետտերի Տաալասը՝ նշելով «մոլորակի համար բազմաթիվ հետեւանքներով վտանգավոր բարձր ջերմաստիճանի սպառնալիքի» մասին:
Հղում անելով Եվրոպական կենտրոնի տվյալներին՝ կազմակերպությւոնը նշում է, որ հաշվի առնելով ընթացիկ տարվա հուլիս ամսվա առաջին 29 օրերի բարձր ջերմաստիճանը, այդ ամիսը կդառնա ամենատաք ամիսը, մինչ այժմ ամենատաքը համարվում էր 2016թ. հուլիսը: Եվրոպայի մի շարք երկրներում ջերմաստիճանը ռեկորդային ցուցանիշի է հասել՝ հանգեցնելով տրանսպորտի աշխատանքի խափանմանը, ազդելով մարդկանց առողջության եւ շրջակա միջավայրի վրա, արագացնելով Արկտիկայում սառույցների հալման գործընթացը: