News
Լրահոս
News
Երկուշաբթի
Հուլիս 06
USD
483.84
EUR
543.3
RUB
6.81
ME-USD
0.02
Տեսնել լրահոսը

ԱՄՆ նախկին նախագահ Բիլ Քլինթոնի եւ Սպիտակ տան նախկին ստաժոր Մոնիկա Լեւինսկիի աղմկահարույց ինտիմ կապի, ինչպես նաեւ 1999թ. դրան հաջորդած նախագահի իմպիչմենթի մասին պատմությունները կհայտնվեն ամերիկյան էկրաններին: Պատմությունները որպես մեկ սերիա կընդգրկվեն «Հանցագործությունների ամերիկյան պատմություն» հեռուստադրամայում, հաղորդում է BBC News-ը:

Սերիալը կնկարահանվի Ջեֆֆրի Տուբինի գրքի մոտիվներով, որը գրվել է 2000թ. եւ պատմում է աղմկահարույց պատմության մասին:

Հեռուստաալիքը նշում է, որ այն կհայտնվի եթերում 2020թ. նախագահական ընտրությունների նախաշեմին:

Պրոդյուսերներից մեկը հենց Մոնիկա Լեւինսկին է:

Նրա դերը կխաղա Բինի Ֆելդստայնը: Նշվում է, որ քաղաքացիական ծառայող Լինդա Տրիպի կերպարը, որը ձայնագրում էր նախագահի հետ ինտիմ կապի մասին Լեւինսկիի հեռախոսազրույցները, կմարմնավորի Սառա Պոլսոնը:

Դեռեւս հայտնի չէ՝ ովքեր կխաղան Բիլ եւ Հիլարի Քլինթոնների դերերը:

Vanity Fair պարբերականի հետ զրույցում Մոնիկա Լեւինսկին խոստովանել է, որ «երկյուղել է»՝ կապված սերիալի շրջանակում Ռայան Մերֆիի հետ համագործակցության հետ: Սակայն, նրա խոսքով, ընդունել է սերիալի ստեղծմանը մասնակցելու առաջարկը սերիալի պրոդյուսերի հետ երակարտեւ ընթրիքից հետո:  

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ամենաշատ