News
Լրահոս
News
Կիրակի
Օգոստոս 18
USD
475.92
EUR
527.46
RUB
7.22
ME-USD
0.14
Տեսնել լրահոսը

BBC–ում հրապարակված հոդվածն իրականության հետ որեւէ կապ չունի։ Այս մասին NEWS.am–ի հետ զրույցում ասաց Արցախի պաշտպանության բանակի հրամանատարի նախկին տեղակալ Սամվել Կարապետյանը (Օգանովսկի)։

«Ես չգիտեմ՝ ինչու է նման հոդված հրապարակվել, սակայն, այն իրականության հետ որեւէ աղերս չունի։ Կարծում եմ՝ սա պատվեր է մեր հարեւանների կողմից»,– ասաց Սամվել Կարապետյանը։

ՊԲ նախկին հրամանատարը հայտնեց, որ ինքն ամիսներ առաջ հարցաքննվել է «Մարտի 1»–ի գործի շրջանակներում, եւ իր համար անհասկանալի է, թե ինչու է հատկապես այս ժամանակաշրջանում նման հոդված հրապարակվում։

Հիշեցնենք, որ BBC–ն, վկայակոչելով իր տրամադրության տակ հայտնված որոշ նյութեր եւ հարցաքննություններ, գրում է, որ Մարտի 1-ի գործով  քննիչները կարծում են՝ ցուցարարների վրա կրակ են բացել ղարաբաղյան ուժայինները, որոնց հրամանատարը եղել է գեներալ Կարապետյանը (գործով որպես վկա է ներգրավված): Հարցաքննություններին քննիչները պնդել են, որ նրա ջոկատը տեղավորվել է նախագահի աշխատակազմի նկուղում: Քննությունը կարծում է, որ ջոկատին այցելել են երկու նախագահները՝ Ռոբերտ Քոչարյանը եւ Սերժ Սարգսյանը: Քննիչները նաեւ ստուգում են երկու ազդեցիկ գործարարներ Գագիկ Ծառուկյանի եւ Սամվել Ալեքսանյանի դերը, որոնք կարող էին ֆինանսավորել ցույցի ցրման օրերին ղարաբաղյան ուժայինների Երեւանում գտնվելու ծախսերը: Դրա հետ մեկտեղ հեղինակը գրում է, որ չի կարողացել ցուցարարների սպանությունների բոլոր հանգամանքների անկախ հաստատումը ստանալ:

!
Այս նյութը հասանելի է նաև   English
Տպել
Ֆոտոռեպորտաժներ