Ղրղզստանի նախկին նախագահ Ալմազբեկ Ատամբաեւի կողմնակիցները «ՌԻԱ Նովոստիին» հաղորդել են, որ ոստիկանությունը ձերբակալել է քաղաքական գործչին:
Ավելի վաղ Կոյ Տաշ գյուղում հատուկ գործողություն էր սկսվել:
Ատամբաեւի խորհրդական Կունդուզ Ժոլդուբաեւի խոսքով՝ նստավայրում գործում է հատուկ նշանակության ջոկատը, լսվում են հրաձգության ձայներ:
Ավելի վաղ 24.kg-ն հաղորդել էր, որ գրոհի ժամանակ տուժել է 10 մարդ: Հատուկ նշանակության ջոկատը կիրառել է ռետինե փամփուշտներ, աղմկաձայնային նռնակներ, քաղաքական գործչի կողմնակիցները պաշտպանվել են քարերով:
«Ապրիլ» հեռուստաալիքի տվյալներով, որն ուղիղ հեռարձակում է իրականացնում, ուժայինները Ալմազբեկ Ատամբաեւին տնից դուրս են հանել:
Ալմազբեկ Ատամբաեւը Ղրղզստանի նախագահ է եղել 2011-2017 թվականներին: Խորհրդարանի հատուկ հանձնաժողովը նրան կասկածել էր մի շարք հանցագործությունների մեջ. նախկին նախագահը կարող է առնչություն ունենալ քրեական հեղինակություն Ազիզի Բատուկաեւի ապօրինի ազատ արձակմանը, Բիշքեկի ՋԷԿ-ի արդիականացման ժամանակ կոռուպցիային եւ դրա համար ածխի անօրինական մատակարարումներին, Իսսիկ-Կուլսկի եւ Չույսկայա մարզերում հողերի անօրինական վերապրոֆիլավորմանը:Բացի այդ, Ատամբաեւը կարող է առնչություն ունենալ ռուսաստանցիներին, այդ թվում կազմակերպված հանցավոր խմբի ադամներին պարգեւատրական զենքի տրամադրմանը: Հունիսի 17-ին նրա դեմ 9 կետերով մեղադրանքներ էին ներկայացվել: Հունիսի վերջին Ղրղզստանի խորհրդարանը նախկին նախագահին զրկել էր անձեռնմխելիությունից: Ատամբաեւը չի ընդունում առաջադրված մեղադրանքը եւ կտրականապես հրաժարվել էր ծանուցումով իրավապահ մարմիններ ներկայանալ: Նախկին նախագահը սպառնացել էր, որ կպաշտպանվի կալանավորելու փորձի ժամանակ:
