Օրեր առաջ ոստիկանության կազմակերպված հանցավորության դեմ պայքարի (6-րդ) գլխավոր վարչություն է դիմել «ՎՏԲ Հայաստան բանկի» գլխավոր տնօրեն- տնօրինության նախագահ Իվան Տելեգինը և հայտնել, որ ՌԴ քաղաքացի Յուրի Գուսևը, 2012-2018 թվականների ընթացքում հանդիսանալով «ՎՏԲ Հայաստան բանկի» գլխավոր տնօրեն-տնօրինության նախագահ, օգտագործել է իր իրավասությունները՝ բանկի շահերին հակառակ, հայտնում է Shamshyan.com-ը։
Ըստ աղբյուրի՝ Իվան Տելեգինը ոստիկաններին հայտնել է, որ Յուրի Գուսևը բարձր վարձավճարներով վարձակալել է տարածքներ, որոշ տարածքների շնորհել VIP կարգավիճակ և այդ ամենի հետևանքով բանկին պատճառել է խոշոր՝ 2 մլրդ 105 մլն դրամի վնաս։
Փաստի առթիվ ոստիկանության 6-րդ գլխավոր վարչությունում նյութեր են նախապատրաստվում։