Անվտանգության խորհրդի քարտուղար Արմեն Գրիգորյանը չի մեկնաբանում «օտար ուժերի» մասին վարչապետի հայտարարությունը:
Հիշեցնենք, որ օգոստոսի 5-ին ելույթ ունենալով Ստեփանակերտում Փաշինյանը կոնսենսուսի համար անհրաժեշտ 6 կետերի թվում նշեց ժողովրդի ինքնիշխանության ամրապնդումը:
«Բոլոր այն ուժերը, ովքեր կփորձեն օտար ուժերի ներգրավվել ներհայկական, ներհայաստանյան հարցեր լուծելու համար, բոլոր այն ուժերը, ովքեր մեր երկրում հանդես կգան որպես օտարերկրյա շահերի ներկայացուցիչ, պիտի արժանանան և կարժանանան հայ ժողովրդի և նրա լեգիտիմ ներկայացուցիչ Հայաստանի կառավարության ամենակոշտ հակազդեցությանը», - ասել է Փաշինյանը:
Պատասխանելով հարցին, թե կոնկրետ ինչ ուժեր նկատի ուներ Նիկոլ Փաշինյանը, Անվտանգության խորհրդի քարտուղարը ասաց, որ խոսքն այն ուժերի մասին է, որոնք փորձում են ազդել ներքին գործընթացների վրա: «Եթե անհրաժեշտություն լիներ, վարչապետն ավելի մանրամասն կարտահայտվեր: Վարչապետը փակագծերը բացեց այնքան, որքան անհրաժեշտ էր », - ասաց Գրիգորյանը: