News
Լրահոս
News
Հինգշաբթի
Սեպտեմբեր 19
USD
476.26
EUR
526.74
RUB
7.42
ME-USD
0.08
Տեսնել լրահոսը

Bentley ընկերության Mulliner բաժանմունքն ավարտել է Երկրորդ աշխարհամարտի ժամանակ կորած Corniche սեդանի եզակի մոդելի վերաստեղծման աշխատանքները, հայտնում է Мотор-ը:

Այս անվանումով նախատիպը պատրաստվել է 1939 թվականին Bentley Mark V շարժիչով, ստացել է փարիզյան Carrosserie Vanvooren ատելյեի թափքը եւ պետք է դառնար ապագա MkV-ի սպորտային տարբերակը:

Corniche-ը կառուցելու գաղափարը ծնվել է այն բանից հետո, երբ հույն ավտոարշավորդ Անդրե Էմբիրիկոսը մասնավոր կարգով Bentley-ին սպորտքար էր պատվիրել 4 ½ Litre շասիով, բայց դյուրալյումինից նոր շրջահոսվող թափքով: Այս հատային նմուշով ոգեշնչված ղեկավարությունը որոշել է, որ լույս աշխարհ գալուն պատրաստվող նոր MkV սեդանը պետք է անպայման նման լինի սպորտային տարբերակի, եւ 1939 թվականի մայիսին այդ ավտոմեքենայի նախատիպը պատրաստ էր:

Corniche-ը կառուցել են ավելի բարակ պողպատից թեթեւացված շասիով, հագեցրել են MkV-ի հզորացված շարժիչով եւ փոխանցման նոր տուփով: Սպորտքարի թափքը նախագծել եւ պատրաստել էր ֆրանսիական Carrosserie Vanvooren թափքերի ատելյեն:

Ավտոմեքենան կառուցելուց անմիջապես հետո այն փորձարկել են Բրուքլենդսի օվալաձեւ մայրուղում, որտեղ այն կարողացել է զարգացնել մինչեւ 161 կմ/ժամ արագություն. սովորական սեդանը նման արագություն չէր կարող զարգացնել: Այնուհետեւ 1939 թվականի հուլիսին Corniche-ն ուղեւորվել է Ֆրանսիա ճանապարհային թեստեր հանձնելու, բախվել ավտոբուսի եւ վերանորոգվել Vanvooren-ում:

Սակայն Bentley-ի կենտրոնակայան տանելիս թեստային վարորդը կառավարումը կորցրել էր, բախվել ծառին եւ ավտոմեքենան կողաշրջել: Կրկին ստիպված էին թափքը նորոգել եւ ուղարկել ատելյե վերականգնման, սակայն այն պատրաստ էր, երբ ոչնչացվել է Դյեպե քաղաքի նավահանգստի նավանորոգարանների ռմբակոծության հետեւանքով: 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Bentley-ն սկսել է Bentayga-ի «կովբոյական» տարբերակի վաճառքը
Bentley-ի ամերիկացի դիլերները նոր տարբերակը «դաժան շքեղություն» են անվանում ...
Toyota Corolla-ն փոքրացել է
Մեքենան ստեղծել են TNGA-ի հիմքի վրա, որի շնորհիվ մեծացել է կոնստրուկցիայի ամրությունը․․․
Mazda-ն նշել է առաջին էլեկտրաքարը ցուցադրելու օրը
Ճապոնական Mazda-ն նշել է, թե երբ կներկայացնի իր առաջին էլեկտրական ավտոմեքենան...
Mercedes-Benz-ը վերստեղծել է 1900 թվականի մոդելը
Միայն այնպիսի ապրանքանիշը, ինչպիսին Mercedes-Benz-ն է, կարող է միավորել պատմությունը եւ ապագան․․․
ԱՄՆ-ում General Motors-ի ավելի քան 49 հազար աշխատակիցներ գործադուլ են սկսել
Երկուշաբթի առավոտյան աշխատողների գործադուլի պատճառով ԱՄՆ 9 նահանգներում 33 գործարան է փակվել…
BMW ընկերությունն ակնարկել է միջին շարժիչով սուպերքար թողարկելու մասին
BMW-ի բազմաթիվ երկրպագուներ սպասել են մոդելային շարքում հարդքորային սուպերքարի թողարկմանը, որը կարող էր մրցել Ferrari-ի եւ Lamborghini-ի հետ…
Ֆոտոռեպորտաժներ