Նիկոլ Փաշինյանը ոչ միայն պահպանեց իր կողմից նախկինում քննադատվող սուպերվարչապետական լիազորությունները, այլեւ փորձում է ընդլայնել դրանք: Այս մասին լրագրողների հետ հանդիպման ժամանակ ասաց «Ազգային օրակարգ» կուսակցության համահիմնադիր Արա Հակոբյանը:
Անդրադառնալով առաջիկա 30 տարիներին վարչապետի կողմից հնչեցրած ծրագրերին, Հակոբյանը նշեց, որ թվեր շատ կան, բայց չկան համոզիչ փաստեր: Ինչ վերաբերում է Արցախի հետ միավորմանը, Հակոբյանը նշեց, որ անհասկանալի է, թե իրականում ինչի մասին է խոսքը:
Ըստ Հակոբյանի, վարչապետի կողմից թվարկված կոնսենսուսները առանձին-առանձին հրաշալի են հնչում, բայց միասին դրանք շատ հարցեր են առաջացնում:
«Ի՞նչ է նշանակում, որ Հայաստանը պետք է երաշխավորի Արցախում արդար ընտրությունները: Փաշինյանը մի կողմից հայտարարում է, որ Հայաստանը չի կարող ներկայացնել Արցախը բանակցություններում, իսկ մյուս կողմից ՝ խոսում է ընտրություններում երաշխիքների մասին: Ի՞նչ դիրք է զբաղեցնում Հայաստանը Ղարաբաղի ընտրություններում », - նշեց Հակոբյանը:
Ըստ նրա՝ Սփյուռքի դերի վերաբերյալ հայտարարությունները գործնականում հանգեցրեցին հարցի կարեւորության նվազմանը: Հարցի համար պատասխանատու անձի կարգավիճակը նվազեցված է, նախարարի պաշտոնը վերացված: «Եթե նախարարը արդյունավետ չի աշխատել, պետք էր ամբողջ նախարարությունը վերացնե՞լ », - հարց հնչեցրեց Հակոբյանը:
Արա Հակոբյանը տնտեսության ոլորտում հնչեցված մեգա ծրագրերի ֆոնին արձանագրեց ցուցանիշների լուրջ անկում՝ միայն այս տարի եւ միայն գյուղատնտեսության ոլորտում 150 մլն դոլարով ավելի քիչ գյուղատնտեսական արտադրանք է արտադրվել, քան մեկ տարի առաջ: Բացառված չէ, որ այստեղ էլ անմիջական կապ կա նախարարության լուծարման հետ:
Խոսելով այն մասին, թե ինչ է երկրին սպասվում մոտ ապագայում, քաղաքական գործիչը հույս հայտնեց, որ աշնանը քաղաքական գործընթացները շարունակվում են եւ մինչեւ տարեվերջ հետաքրքիր իրադարաձություններ տեղի կունենան:
Ըստ նրա, իշխող ուժերը գործում են բավականին համախմբված. ի պատասխան, արտախորհրդարանական ուժերը նույնպես պետք է միավորվեն հանուն նպատակների և համակարգեն գործողությունները ՝ իշխող ուժերի հարձակմանը հակազդելու համար: Ինչպես նշեց Հակոբյանը, Փաշինյանը, որը նախկինում քննադատում էր կառավարման համակարգը, գալով իշխանության, հանգիստ շարունակեց նախկին ավանդույթները:
Ստամբուլի կոնվենցիայի վավերացման հարցի վերաբերյալ, Հակոբյանը նշեց, որ Փաշինյանը մինչ այժմ ձեռնպահ է մնացել իր կարծիքը հայտնելուց: Բայց եթե վերջում նա հրաժարվի վավերացումից ՝ ասելով, որ չի ցանկանում՝ մի հավատացեք:
Նախարարներն արտացոլում են նրա կարծիքը, իսկ նա փորձում է օգտվել ստեղծված իրավիճակից ՝ խաղալով մարդկանց հույզերի վրա, կարծում է Արա Հակոբյանը:
