Եվրասիական միջազգային համաժողովի ժամանակ «Կալաշնիկով» հոլդինգը ներկայացրել է «Տաքսի» էլեկտրամոբիլը, որը նախատեսված է ուղեւորափոխադրումների ոլորտում աշխատելու համար, հաղորդում է Life-ը՝ հղում անելով հոլդինգի մամուլի ծառայությանը:
Արտադրողը ներկայացրել է, որ մեքենան բավականին փափուկ է երթեւեկության ժամանակ, պայթյունավտանգ չէ, իսկ ճանապարհատրանսպորտային պատահարի դեպքում հրդեհի հավանականությունը ցածր է: Բացի այդ, էլեկտրաքարը պարզ է օգտագործման մեջ եւ ունի նվազագույն տեխնիկական սպասարկման կարիք:
«Նախատեսված է ձեռնարկությունների համար, որոնց տարածքում պետք է տեղափոխվել զգալի հեռավորությունների կտրվածքով, ինչպես նաեւ քարշերինգային ընկերությունների համար»,-ասվում է հաղորդագրության մեջ:
Էլեկտրաքարի հզորությունը կարող է հասնել 50 կիլովատի, իսկ առավելագույն արագությունը, որն ունակ է զարգացնել UV-4-ը, 80 կմ/ժ է:
«Էլեկտրամոբիլը կշռում է 650 կգ: Դրա երկարությունը 3.4 մետր է, լայնությունը՝ 1.5 մետր, իսկ բարձրությունը՝ 1.7 մետր»,-մանրամասնել են մամուլի ծառայությունում:
