Ղրղզստանում օգոստոսի 7-8-ը տեղի ունեցած անկարգությունների ժամանակ բժշկական օգնության է դիմել ընդհանուր առմամբ 139 մարդ: Այս մասին ՏԱՍՍ-ին հայտնել են Ղրղզստանի առողջապահության նախարարության մամուլի ծառայությունից:
«Այսօրվա դրությամբ բուժօգնության դիմածների թիվը կազմում է 139 մարդ»,- ասել է մամուլի ծառայության ներկայացուցիչը:
Ղրղզաստանում անկարգությունները սկսվել էին չորեքշաբթի Չույսկու մարզի Կոյ-Տաշ գյուղում երկրի նախկին նախագահ Ալմազբեկ Աթամբաեւին ձերբակալելու հատուկ գործողության ֆոնին, որը մեղադրվում է կոռուպցիայի մեջ եւ անձեռնմխելիությունից զրկվել է:
