NEWS.am–ի տեղեկություններով՝ օգոստոսի 11–ի գիշերը կրակոցներ են հնչել Դավթաշենում։ Տեղեկությունը մեզ հետ զրույցում հաստատեցին ոստիկանությունից։
Ոստիկանության հասարակայնության հետ կապի եւ լրատվության վարչության պետի տեղակալ Էդգար Ջանոյանը հայտնեց, որ օգոստոսի 12–ին ոստիկանությունում ահազանգ է ստացվել, որ գիշերը Դավթաշենի 1–ին թաղամասի բակերից մեկում կրակոցի ձայն է լսվել։
Ձեռնարկված միջոցառումների արդյունքում պարզվել է, որ 30–ամյա բնակիչներից մեկը իրենց շենքի բակում գտնվող ամառային տաղավարում «Սայգա» տիպի որսորդական հրացանի մաքրման աշխատանքներ կատարելիս, մոռանալով փողում փամփուշտի առկայության հանգամանքը, կատարել է ստուգողական կրակոց և վնասել տաղավարի տանիքը։
Դեպքի կապակցությամբ նյութեր են նախապատրաստվում։
