Երեւանի Հալաբյան-Արզումանյան փողոցների խաչմերուկում իրար են բախվել Opel Astra եւ Toyota Camry մակնիշի ավտոմեքենաները, կա 3 վիրավոր։ Shamshyan.com-ի հաղորդմամբ, այսօր՝ օգոստոսի 13-ին, ժամը 14։00-ի սահմաններում, Հալաբյան-Արզումանյան փողոցների խաչմերուկում բախվել են Երեւանի բնակիչներ 41-ամյա Գրիշա Ն-ի վարած Opel Astra մակնիշի եւ 31-ամյա Արարատ Չ-ի վարած Toyota Camry մակնիշի ավտոմեքենաները։ Opel-ը հայտնվել է հետիոտնի համար նախատեսված հատվածում։ Բախման հետեւանքով 3 հոգի մարմնական վնասվածքներով տեղափոխվել են «Արմենիա» բժշկական կենտրոն։ Վիրավորներին առաջին օգնության են ցուցաբերել քաղաքացիները։ Փաստի առթիվ նյութեր են նախապատրաստվում։ Ոստիկանությունը պարզում է վիրավորների ինքնությունը։