News
Լրահոս
News
Երկուշաբթի
Հուլիս 13
USD
486.73
EUR
549.62
RUB
6.84
ME-USD
0.02
Տեսնել լրահոսը

Եգիպտոս հանգստի մեկնած ՀՀ քաղաքացիները հերթական խնդրի առաջ են կանգնել։ NEWS.am–ին ահազանգած քաղաքացիները հայտնեցին, որ 10 օրով հանգստի մեկնած երեք ընտանիքներ Շարմ  Էլ Շեյխում պարզել են, որ հյուրանոցում իրենց համար միայն 6 օրվա համար է տեղ ամրագրված և վստահ չեն՝ հետադարձ թռիչք ունեն, թե ոչ:

NEWS.am–ի հետ զրույցում Եգիպտոսում մնացած զբոսաշրջիկներից Անահիտ Սերոբյանը հայտնեց, որ տուրիստական փաթեթները ամրագրել են «Info travel» տուրիստական գործակալությունում։

«Մենք 10 օրվա համար ենք վճարել, բայց երեկ հյուրանոցում ասացին, որ միայն 6 օրվա համար է վճարված, երեկվանից դրսում ենք, հյուրանոցներում ազատ տեղ չկա, երեք ընտանիք ենք՝ 10 հոգով, մեզ հետ մանկահասակ երեխաներ կան»,– ասաց մեր զրուցակիցը։

Սերոբյանի խոսքով՝  հետադարձ թռիչքը նախատեսված է օգոստոսի 17–ին, սակայն մինչ այդ հայտնի չէ, թե ինչպես է լուծվելու իրենց կեցության հարցը։

««Info travel» ընկերության տնօրեն Նոյեմ Շահինյանը երեկվանից տարբեր պատճառաբանություններ է բերում, իբր հյուրանոց են փնտրում,  ասում է՝ կգանք ձեր հետևից, բայց  չեն գալիս։ Հիմա մենք կասկածներ ունենք՝ ամսի 17–ի համար մեր տոմսերը նախապես ամրագրված են, թե՞ ոչ։ 

«Info travel» ընկերությունից NEWS.am–ին հայտնեցին, որ խնդիրը կապված է Շարմ  Էլ Շեյխի հյուրանոցի հետ և հավաստիացրեցին, որ խնդիրն արդեն հարթվել է։ Տուրիստական գործակալության տնօրեն  Նոյեմ Շահինյանի հետ կապ հաստատել  չհաջողվեց։ 

Հիշեցնենք, որ հուլիսին էլ  Հուրգադա–Երեւան չվերթի չեղարկման արդյունքում ՀՀ հարյուրավոր քաղաքացիներ մնացել էին Հուրգադայում:  Հուրգադա–Երևան թռիչքը չէր կայացել, քանի հայաստանյան տուրօպերատորը ավիափոխադրողին չի վճարել չվերթի համար: Կառավարության որոշմամբ՝ քաղաքացիների տեղափոխումն իրականացվեց պետական միջոցների հաշվին, իսկ ուղևորափոխադրում իրականացրած «Էյ Ընդ Ար տուր» տուրիստական գործակալության տնօրենի կողմից առերևույթ խարդախություն կատարելու դեպքի առթիվ հարուցվեց քրեական գործ։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իտալացիները պատմել են, թե որ երկրներից զբոսաշրջիկներին չեն ցանկանում ընդունել այս ամառ․ հարցում
Պարբերականի տվյալներով՝ այդպիսի միտումներ են նկատվել Ֆրանսիայում, Իսպանիայում, Գերմանիայում, Դանիայում, Նորվեգիայում եւ Ֆիլանդիայում․․․
Միջերկրականի լավագույններից համարվող Կիլիկիայի ոսկեավազ լողափը բացվել է հանգստացողների համար (ֆոտո)
Կիլիկիայի Հայոց արքա Հեթումի վերակառուցած Կոռիկոսի ծովային բերդը, որի պատերին դեռ պահպանվել են Հեթումի հայատառ...
Վիետնամում բացվել է աշխարհում առաջին ոսկեզօծ հյուրանոցը (ֆոտո)
Այդ հյուրանոցում ամեն ինչ ոսկեզօծ է՝ սեղանի սպասքը, լողավազանները, զուգարանակոնքն ու լոգարանը, ինչը նոր նշանակություն է տվել «էքստրավագանտ» բառին․․․
Հանոյում 5-աստղանի հյուրանոցը հույս ունի հյուրերին գրավել շքեղ ոսկե լոգարաններով
Մեկ գիշերն արժե 250 դոլար...
Իտալիայի իշխանությունները նշել են, թե որ երկրներից են զբոսաշրջիկների սպասում
Զբոսաշրջության նպատակով Իտալիա մուտքը թույլատրվում է ԵՄ-ից եւ Շենգենյան երկրներից ժամանող հյուրերին․․․
Հունաստանը զբոսաշրջիկների ընդունման նոր կանոններ է սահմանում
Ամենաշատ