News
Լրահոս
News
Չորեքշաբթի
Օգոստոս 12
USD
485.32
EUR
572.14
RUB
6.66
ME-USD
0.01
Տեսնել լրահոսը

Պակիստանի ԱԳ նախարար Շահ Մեհմուդ Քուրեշին ՄԱԿ-ին նամակ է հասցեագրել՝ խնդրելով գումարել Անվտանգության խորհրդի շտապ նիստ՝ պայմանավորված Ջամու եւ Քաշմիրին առնչվող Հնդկաստանի գործողություններով:

«Ես կցանկանայի խնդրել Անվտանգության խորհրդի շտապ նիստ անցկացնելու մասին՝ օրակարգում «հնդկա-պակիստանյան հարց» կետով, որպեսզի քննարկվի Հնդկաստանի վերջերս իրականացրած գործողությունների հետեւանքով առաջացած իրավիճակը, որոնք սպառնում են միջազգային խաղաղությանն ու անվտանգությանը եւ սասանում են Ջամու եւ Քաշմիրի միջազգայնորեն ճանաչված վիճելի կարգավիճակը»,- նշված է նամակում, որի պատճենը «ՌԻԱ Նովոստի»-ի տրամադրության տակ է: 

Պակիստանի ԱԳ նախարարի խոսքով՝ Հնդկաստանը միակողմանի կարգով  ձգտում է փոխել այս տարածքի ժողովրդագրական կառուցվածքը, խախտում է Քաշմիրի ժողովրդի հիմնական իրավունքները՝ ներառյալ նրանց ինքնորոշման անքակտելի իրավունքը:

Քուրեշին նաեւ խնդրել է, որպեսզի ԱԽ նիստին թույլ տան մասնակցել Պակիստանի կառավարության ներկայացուցչին:

Օգոստոսի 5-ին Հնդկաստանի նախագահ Ռամ Նաթհ Քովինդը հրաման էր ստորագրել Ջամու եւ Քաշմիրի հատուկ կարգավիճակի չեղարկման մասին, որն ամրագրված է երկրի հիմնական օրենքի 370-րդ հոդվածով: Ըստ դաշնային կառավարության նախաձեռնության՝ դրա տեղում կստեղծվեն 2 միութենական տարածքներ, որոնք ավելի քիչ իրավունքներ կունենան, քան նահանգը: Այս նախաձեռնությունը հաջորդ օրը ստացել էր խորհրդարանի հավանությունը:

Հարեւան Պակիստանը, որն ավանդաբար հանդես է գալիս Հնդկաստանի մուսուլման փոքրամասնության աջակցությամբ, որը բնակվում է Քաշմիրում, վճռականորեն հանդես էր եկել այս քայլի դեմ: Երկրի վարչապետ Իմրան Խանը կարգադրել էր հատուկ կոմիտե ստեղծել Ջամու եւ Քաշմիրի վերաբերյալ Հնդկաստանի որոշմանը իրավական, քաղաքական եւ դիվանագիտական պատասխան մշակելու համար: Իսլամաբադը հայտարարել էր Հնդկաստանի հետ դիվանագիտական հարաբերությունների մակարդակի նվազեցման, երկկողմանի առեւտրի դադարեցման եւ այդ երկրի հետ մի շարք պայմանավորվածությունների վերանայման մասին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՄԱԿ-ը 50 000 տոննա ցորենի ալյուր կուղարկի Լիբանան՝ պարենի դեֆիցիտի դեմ պայքարի համար
Հիշեցնենք, որ օգոստոսի 4-ին Բեյրութի նավահանգստում հզոր պայթյուն է տեղի ունեցել, ինչի հետեւանքով վնասվել են տասնյակ տներ, ավելի քան 300 000 մարդ մնացել է անօթեւան...
ՄԱԿ-ում կոչ են անում Բեյրութում պայթյունի անկախ հետաքննություն անցկացնել
ՄԱԿ-ի մարդու իրավունքների գերագույն հանձնակատարը պնդում է, որ «տուժածների` մեղավորներին պատասխանատվության ենթարկելու կոչերը պետք է լսելի լինեն...
Համավարակը կարող է ահաբեկչության եւ բռնի ծայրահեղականության տարածման կատալիզատոր դառնալ. ՄԱԿ
«Մենք գիտենք, որ ահաբեկիչներն օգտագործում են COVID-19-ի առաջացրած տնտեսական դժվարությունները` վախի, ատելության եւ պառակտման տարածման եւ նոր աջակիցների արմատականացման եւ հավաքագրման համար...
ՄԱԿ գլխավոր քարտուղարը համաշխարհային հանրությանը կոչ է արել վերացնել միջուկային զենքը
Նրա խոսքերով՝ միջուկային զենքի վերահսկման նախկինում կնքված պայմանագրերը այժմ ոչնչացման եզրին են․․․
ՄԱԿ. խաղաղ հավաքների անցկացման արգելքը պետք է դիտարկվի որպես ծայրահեղ միջոց
Մենք չենք կարող դառնալ Ալիևի ստեղծած ծուղակի պատանդը. Փաշինյանը` Անտոնիո Գուտերեշին
Հավաստիացնում եմ ձեզ, որ Հայաստանն արել է հնարավոր ամեն բան՝ ռազմական գործողություններին վերջ տալու և իրավիճակի լարվածությունը նվազեցնելու…