News
Լրահոս
News
Կիրակի
Հուլիս 12
USD
486.73
EUR
549.62
RUB
6.84
ME-USD
0.02
Տեսնել լրահոսը

Հայաստանն ահռելի ներուժ ունի կանեփի բուժական տեսակի արտադրության համար: Օգոստոսի 14-ին լրագրողների հետ հանդիպման ժամանակ այս մասին ասաց «Արմերիկա» ՍՊԸ հիմնադիր-տնօրեն Ռուբեն Մկրտչյանը:

Նրա խոսքով՝ իրենց ձեռնարկությունը Հայաստանում առաջինն է պատրաստ սկսել կանեփի հեմպ տեսակի աճեցումն ու վերամշակումը, ընդ որում՝ արտադրությունը մինչեւ միջազգային բարձրության հասցնելու երաշխիքով: «Կանեփի այս տեսակը բաղադրությամբ բացարձակապես չի համապատասխանում այն տեսակին, որից մարիխուանա են ստանում: Աշխարհի շատ երկրներում, այդ թվում՝ ԵՄ-ում, ԱՄՆ-ում, Ռուսաստանում հեմպի աճեցումն օրինականացված է»,- նշեց նա:

Մկրտչյանը հավելեց, որ նախօրեին իրենք իշխանությունների բանավոր թույլտվությունն են ստացել հեմպի փորձնական աճեցման համար, սակայն գրավոր թույլտվություն դեռեւս չկա: «Համաձայնությունը ձեռք է բերվել փոխվարչապետ Տիգրան Ավինյանի գրասենյակի ներկայացուցիչների հետ: Նախատեսված է հեմպ աճեցնել Դիլիջանում, Վարդենիսում, Սուրենավանում: Ցավոք, թույլտվությունը տվեցին 3 ամիս ավելի ուշ, քան անհրաժեշտ է, քանի որ Հայաստանի կլիմայական պայմաններում բերքը կարելի է հավաքել սեպտեմբեր-հոկտեմբերին: Արտադրությունը կարող է օգտագործվել բժշկական, կոսմետիկ, տեքստիլ եւ այլ նպատակներով»,- պարզաբանեց տնօրենը:

Ձեռներեցը հավաստիացրեց, որ եթե վերջնական թույլտվություն ստացվի, ապա ներդրումների չափը կհասնի 5-ից մինչեւ 50 մլն դոլարի, իսկ աշխատատեղերի թիվը, հաշվի առնելով արտադրության ճյուղավորվածությունը, մինչեւ 10 հազարի: «Արտադրանքի իրացման խնդիրներ չկան, քանի որ ամբողջ աշխարհում անսահման պահանջարկ կա եւ մշտապես աճում է»,- եզրափակեց նա:

Ընկերության ներկայացուցիչ Իշխան Հովհաննիսյանի խոսքով՝ կանեփի այս տեսակի աճեցումը կօգնի լուծել մեծ թվով բնապահպանական խնդիրներ, քանի որ կարելի է գործնականում դադարեցնել արդյունաբերական նպատակներով անտառահատումը, հողը մաքրել ծանր մետաղներից: «Հեմպից կարելի է ստանալ 4 անգամ ավելի շատ ցելյուլոզա, քան փայտից: Կարելի է այս տեսակի արտադրության ծավալը մեծացնել ջերմոցների հնարավորության օգտագործման դեպքում»,- պարզաբանեց նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀԿ նախագահ. մրգերի գներն էապես աճել են վատ բերքի պատճառով
ՀԿ նախագահ. մսամթերքի որոշ տեսակների գները զգալիորեն աճել են
Նրա խոսքով՝ տավարի միսը թանկացել է 20%-ով, խոզի միասը՝ մոտ 5%-ով, իսկ ոչխարի միասը՝ մոտ 10%-ով...
ՊԵԿ-ում անցկացվել է «Տրանսֆերային գնագոյացման կարգավորումները ՀՀ-ում» թեմայով հեռավար դասընթաց
ՊԵԿ տրանսֆերային գնագոյացման և հարկային համագործակցության բաժնի պետ Նաիրուհի Ավետիսյանը ներկայացրել է տրանսֆերային գնագոյացման...
Դոլարի փոխարժեքը շարունակում է աճել. Եվրոն էժանացել է
Թանկարժեք մետաղների համար բանկի կողմից սահմանվել են հետեւյալ գները...
«Աթենք». մսամթերքի գների լուրջ տատանումներ չեն նկատվում
Նա նշեց, որ ընկերությունը ձգտում է առավելագույնս վերահսկել գնաճը...
Գյուղացիական տնտեսություններին տրամադրվել է մոտ 14.000 վարկ (վիդեո)
Նշվում է, որ ծրագրի ընդհանուր բյուջեն կազմել է ավելի քան 19 մլրդ դրամ...