News
Լրահոս
News
Երկուշաբթի
Հուլիս 06
USD
484.35
EUR
547.07
RUB
6.74
ME-USD
0.02
Տեսնել լրահոսը

Բացահայտվել են վարկերի տրամադրման ծառայություններ մատուցող մի շարք կազմակերպությունների կողմից խարդախությամբ խոշոր չափերով հափշտակություն կատարելու դեպքեր։ Քննչական կոմիտեից NEWS.am–ին հայտնում են, որ ՀՀ քննչական կոմիտեի ՀԿԳ քննության գլխավոր վարչության ընդհանուր բնույթի և ընտրական հանցագործությունների քննության վարչությունում կատարված անհրաժեշտ քննչական և դատավարական գործողությունների արդյունքում պարզվել են քաղաքացիներին վարկերի տրամադրման ծառայություններ մատուցող մի շարք կազմակերպությունների կողմից  խարդախությամբ խոշոր չափերով հափշտակություն կատարելու դեպքի մի շարք հանգամանքներ, մեղադրանք է առաջադրվել 6 անձի:

Քրեական գործով կատարված նախաքննությամբ պարզվել է, որ բնակչությանը վարկերի տրամադրման ծառայություններ մատուցելու պատրվակով ստեղծվել են մի շարք կազմակերպություններ, որոնք գործել են Երևան քաղաքի Մաշտոցի պողոտայում և օգտագործելով «Վարկով.էյ եմ» /varkov.am/, «Վարկս.էյ եմ» /varks.am/ կազմակերպությունների անունները՝ համացանցում ծառայություններ են գովազդել: Նախաքննության ընթացքում պարզվել է, որ նշված կազմակերպություններն իրականում վարկային կազմակերպություններ չեն. պարզապես գործել են նշված ընկերությունների անվան տակ, և երբ անձը դիմել է նրանց, ընկերության ներկայացուցիչն անձին ուղեկցել է որևէ տեխնիկայի կամ շինանյութի խանութ և միջնորդ է հանդիսացել նրա անվամբ ապառիկով ապրանքներ ձեռք բերելու հարցում, որից հետո հայտնել են, որ իրենց ընկերությունը պատրաստակամ է ձեռք բերել խանութից գնված ապրանքները՝ վճարելով դրա արժեքի 65 տոկոսը: Ստանալով ապրանքները՝ խաբեությամբ քաղաքացիներին ամբողջությամբ կամ մասնակի չեն վճարվել այդ գումարները:

Ձեռք բերված բավարար ապացույցների համակցությամբ՝ մեղադրանք է առաջադրվել 6 անձի՝ կազմակերպության տնօրենին մեղադրանք է առաջադրվել՝ ՀՀ քրեական օրենսգրքի 325–րդ հոդվածի 2-րդ մասով (24 դրվագ), ՀՀ քրեական օրենսգրքի 178-րդ հոդվածի 2-րդ մասի 1.1-ին և 2-րդ կետերով (6 դրվագ), ՀՀ քրեական օրենսգրքի 178-րդ հոդվածի 2-րդ մասի 1.1-ին կետով (4 դրվագ): Վարկերի տրամադրման համար կեղծ տեղեկանք տրամադրող ընկերությունների տնօրեններից մեկին մեղադրանք է առաջադրվել՝ ՀՀ քրեական օրենսգրքի 189-րդ հոդվածի 1-ին մասով, 325-րդ հոդվածի 2-րդ մասով /15 դրվագ/, մյուս 4-ին՝ ՀՀ քրեական օրենսգրքի 325–րդ հոդվածի 2-րդ մասով: Նրանց նկատմամբ որպես խափանման միջոց է ընտրվել ստորագրություն չհեռանալու մասին:

Վարույթն իրականացնող մարմինը հորդորում է բնակչությանը զերծ մնալ նման գործարքներ կատարելուց, քանզի անձինք, իրենք իսկ համաձայնելով կատարել նման գործարքներ, ներքաշվում են հանցավոր սխեմայի մեջ, և վարկային ծառայություններ ձեռք բերելու համար դիմել միայն լիցենզավորված կազմակերպություններին:

Տպել
Կարդացեք նաև
Ամբողջը
Ադրբեջանի ՊԱԾ-ը մեղադրանքներ է առաջադրել ԱԳՆ աշխատակիցների խմբի նկատմամբ
Դատարանի որոշմամբ նրանց նկատմամբ կիրառվել է կալանքը որպես խափանման միջոց...
Ոչ մի վտանգավոր բան չի գտնվել. «Մեգամոլը» կանցնի իր բնականոն աշխատանքին. ԱԻՆ աշխատակից
Մոլի հարկերը կիսել են 3 մասի եւ 3 խումբը տարբեր ուղղություններով կատարել են որոնողական աշխատանքներ…
Ստեփանավանցին ձերբակալվել է՝ դիմակ չկրելու հարցով վեճի ժամանակ ոստիկանների նկատմամբ բռնություն գործադրելու կասկածանքով
նշված ավտոմեքենայի ուղեւորը, գտնվելով ալկոհոլի ազդեցության տակ, դուրս է եկել ավտոմեքենայից...
Արտակարգ դեպք Երեւանում. հարձակման է ենթարկվել ՀՔԾ աշխատակիցը. վնասել են նրան պատկանող ավտոմեքենան
Ձեռքերով եւ ոտքերով հարվածել են Երեւանի բնակիչ Լուսինե Բ-ի մարմնի տարբեր մասերին՝ պատճառելով ֆիզիկական ցավ, ապա հարվածել ու վնասել են նրան պատկանող KIА մակնիշի ավտոմեքենան՝ պատճառելով խոշոր չափի վնաս...
Պայթուցիկի ահազանգ Դալմա Գարդեն մոլում. քաղաքացիները տարհանվում են (ուղիղ)
Դեպքի վայրում աշխատում են ԱԻՆ-ի եւ Ոստիկանության աշխատակիցները…
Կոտայքում Ford Transit-ը դուրս է եկել ճանապարհից ու կողաշրջված վիճակում հայտնվել ձորակում. կան վիրավորներ (ֆոտո)
Վթարի հետեւանքով 2 հոգի մարմնական վնասվածքներով տեղափոխվել են «Էրեբունի» բժշկական կենտրոն…
Ամենաշատ