ՌԴ մերձմոսկովյան «Ալաբինո» զորավարժարանի «Պատրիոտ» ավանի նիստերի դահլիճում տեղի է ունեցել Բանակային միջազգային խաղերի ասոցիացիայի խորհրդի նիստ, որի շրջանակում քննարկվել են Բանակային միջազգային խաղերին վերաբերող մի շարք հարցեր, մասնակից պետությունների բարձրաստիճան սպաները հանդես են եկել ելույթներով: Այս մասին NEWS.am-ին հայտնում են ՀՀ ՊՆ մամուլի ծառայությունից։
Նիստի ավարտին տեղի է ունեցել պարգեւատրում, որի շրջանակում ՀՀ ԶՈւ ՄՊՎ պետի տեղակալ գնդապետ Սասուն Բադասյանը պարգեւատրվել է «Մատուցած ծառայությունների համար» մեդալով եւ նշանակվել է ասոցիացիայի փոխնախագահ:
Բանակային միջազգային խաղերի շրջանակում ներդրդած ջանքերի եւ ակտիվ մասնակցության համար պարգեւատրվել են նաեւ ՀՀ ԶՈւ ՄՊՎ ՀՊԲ ԶՏԱՊ բաժանմունքի պետ, փոխգնդապետ Գագիկ Գեւորգյանը, նույն բաժանմունքի ավագ սպա, փոխգնդապետ Արտակ Պոդոսյանը, ՀՀ ԶՈւ սպառազինության վարչության զրահատանկային ծառայության հաշվառման բաժնի ավագ սպա, փոխգնդապետ Դավիթ Զաքարյանը:
