Մերձմոսկվայում կոշտ վայրէջք կատարած ինքնաթիռի ուղեւորները սելֆի են արել անձնակազմի հետ: Ուղեւորներից մեկը՝ Ստեփան Հակոբյանը, լուսանկարներ եւ տեսանյութ է տրամադրել «ՌԻԱ Նովոստի» գործակալությանը: Հակոբյանը հասցրել է տարհանումից հետո սելֆի անել բորտուղեկցորդների հետ, ինչպես նաեւ նկարահանել է վայրէջքից հետո տեղի ունեցածը:
«Գնում ենք դեպի աջ, արեւի ուղղությամբ, եգիպտացորենի դաշտերի մոտ»,- բարձրախոսով ասել է օդաչուն:
Տարհանումից հետո ուղեւորները տեղափոխվել են ավտոբուսներով:
Հիշեցնենք, որ «Ուրալյան ավիաուղիներին» պատկանող A321 ինքնաթիռը, որն իրականացնում էր Ժուկովսկի-Սիմֆերոպոլ չվերթը, կոշտ վայրէջք է կատարել: Օդանավում գտնվել են 226 ուղեւորներ եւ անձնակազմի 7 անդամներ: Թռիչքավայրէջքային գոտուց պոկվելուց հետո ինքնաթիռը բախվել է ճայերի երամին, որոնց հայտնվելը շարժիչներում զգալի խափանումների է հանգեցրել:Օդանավն արտակարգ վայրէջք է կատարել եգիպտացորենի դաշտում՝ Ռամենսկի շրջանի Ռիբինսկոե գյուղում: ՌԴ առողջապահության նախարարության տվյալներով՝ հոսպիտալացվել է 23 մարդ, այդ թվում՝ 9 երեխա:
