ԱՄՆ նախագահ Դոնալդ Թրամփը հայտարարել է, որ ամերիկյան տնտեսությունը հոյակապ վիճակում է, մինչդեռ Չինաստանը մեծ խնդիրներ ունի, փոխանցում է «ՌԻԱ Նովոստի»-ն:
«Տնտեսությունը հոյակապ վիճակում է: Մենք հարստության եւ հաջողության շատ երկարատեւ շրջան կունենանք: Չինաստանի գործերը շատ ու շատ վատ են»,- ասել է նա լրագրողներին:
Նախօրեին ամերիկյան բորսաների ինդեքսները կտրուկ նվազել են ԱՄՆ եւ Գերմանիայի տնտեսությունների հետագա աճի, ինչպես նաեւ Չինաստանի հետ ԱՄՆ առեւտրային պատերազմի վերաբերյալ մտահոգությունների ֆոնին: Թրամփը դրան արձագանքել է՝ հայտարարելով, որ ԱՄՆ տնտեսությունը նախկինի պես ուժեղ է, որում նոր ներդրումների հոսքեր են գալիս: Ընդ որում՝ Թրամփը քննադատել է ԱՄՆ Կենտրոնական բանկին՝ Դաշնային պահուստային համակարգին, զեղչման տոկոսադրույքների, իր կարծիքով, չափից ավելի դանդաղ նվազեցման պատճառով:
