Սոցիալական ոլորտի աշխատակիցներն առավել հաճախ են կարոտում իրենց աշխատանքը, փաստում է Superjob պորտալի հետազոտությունը:
Հարցման արդյունքները վկայում են, որ արձակուրդի ժամանակ իրենց աշխատանքի մասին մտածում է յուրաքանչյուր երկրորդ ուսուցիչը, բժիշկների 37 տոկոսն ու բուժքույրերի 38 տոկոսը: Աշխատանքի մասին հիշում է նաեւ ղեկավարների մեկ երրորդ մասը, ինչպես նաեւ դիզայներների, HR-ների եւ հոգեբանների շուրջ 30 տոկոսը:
Իսկ արձակուրդի ժամանակ բոլորից շատ են իրենց աշխատանքից «անջատվում» հաշվապահները. այդ խմբի հարցվածների միայն 15 տոկոսն է նշել, որ կարոտում է աշխատավայրը: Աշխատանքի մասին հակված չեն հիշել նաեւ տեխնոլոգներն ու վաճառքի մենեջերները:
Superjob-ի հարցմանը մասնակցել է 9 հազար չափահաս հարցվող, որոնք ներկայացնում են 30 մասնագիտական համայնք:
