Քաղաքում աղբի հետ կապված իրավիճակը կարգավորելու համար անհրաժեշտ է 80+ 10 մեքենա, եւ ոչ թե 60+, ինչպես ասում էր քաղաքապետը: Այս մասին օգոստոսի 16-ին, լրագրողների հետ հանդիպման ժամանակ հայտարարեց Երեւանի ավագանու «Բարգավաճ Հայաստան» խմբակցության ղեկավար Միքայել Մանրիկյանը:
Ըստ նրա՝ իշխանությունները պետք է ավելի թափանցիկ լինեն հասարակության հետ եւ արագ տեղեկացնեն խոշոր ընկերություններում կատարված իրավախախտումների մասին, քանի որ դա ազդում է մեծ թվով մարդկանց շահերի վրա, եւ խոսքը «Սանիթեք» եւ «Պարկինգ Սիթի» ընկերությունների դեմ քրեական գործերի մասին է:
Միքայել Մանրիկյանը նշեց, որ Երեւանի փոխքաղաքապետ Հայկ Սարգսյանը ժամանակին ասել էր, որ քաղաքային իշխանությունները կկարողանան 30 միլիոն դրամով լուծել վերելակների խնդիրները, մինչդեռ նախորդ բյուջեն 180 միլիոն դրամ էր կազմում:
«Ընդ որում, նա հայտնել էր, որ դա արդյունավետ կառավարման խնդիր է: Եթե դա այդպես է, ապա մենք կարող ենք գործ ունենալ նախկինում կատարված հանցագործությունների հետ, բայց առայժմ իրավապահ մարմիններում հաղորդումներ չկան: Եթե դա տեղի չունենա, ապա կարելի է ասել, որ Սարգսյանի հայտարարությունը պոպուլիզմի ոլորտից է», -բացատրեց նա:
Խմբակցության ղեկավարն ասաց, որ 2020 թվականից քաղաքային իշխանությունները ցանկանում են հարկի նոր տեսակ ՝ «Սիթի տաքս» ներդնել, սակայն, նա դեռ ծանոթ չէ մանրամասներին: «Քաղաքային իշխանությունները պետք է հասկանան, որ միայն հարկերի բարձրացումը չի կարող լուծել բոլոր խնդիրները: Աշխատանքը պետք է տանել մայրաքաղաքի ներդրումային գրավչության բարձրացման ուղղությամբ», - ընդգծեց Մանրիկյանը:
Խմբակցության ղեկավարի կարծիքով՝ գլխավոր հարցերից մեկն այն է, որ թե իրականում որքան քիմիկատների գերեզմաններ կան Երեւանում:
«Եթե դրանք երկուսն են, ապա դա խոսում է այն մասին, որ երկրոդրն ապօրինի գերեզման է եւ ըստ որոշ փորձագետների, Երեւանի տարածքում ստորգետնյա ցնցումների դեպքում դա կարող է լուրջ խնդիր դառնալ: Շուտով մենք կայցելենք այդ վայրերը եւ կծանոթանանք իրավիճակին: Ըստ ամենայնի, ժամանակավոր հանձնաժողով կստեղծվի՝ փորձագետների ներգրավմամբ»,- ասաց նա: