Օգոստոսի 15-ին, ժամը 16:10-ին «911» ծառայությանը տեղեկություն է ստացվել, որ Արարատի մարզի Այնթապ գյուղում` Արտաշատյան խճուղում, տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Այնթապ գյուղի Արտաշատյան խճուղու տներից մեկի մոտակայքում բախվել են «Վազ 2106» (վարորդ՝ Սարգիս Կ., ծնված 1985 թ.) եւ «BMW» (վարորդ՝ Գրիգոր Տ., ծնված 1981 թ.) մակնիշների ավտոմեքենաները:
Մինչ փրկարարների կանչի վայր հասնելը, Սարգիս Կ.-ը տեղափոխվել է Մասիսի ԲԿ, որտեղ բժիշկները տուժածի առողջական վիճակը գնահատել են բավարար:
Փրկարարները հոսանքազրկել են ավտոմեքենաները եւ փակել գազի բալոնների փականները: