News
Լրահոս
News
Ուրբաթ
Սեպտեմբեր 20
USD
476.13
EUR
525.98
RUB
7.47
ME-USD
0.08
Տեսնել լրահոսը

IDBank-ն այսօր հյուրընկալել է Բանկի կողմից իրականացվող կրթական ծրագրերի մասնակիցներին։ Հատուկ նրանց համար կազմակերպված միջոցառման ընթացքում, որին ներկա էր Բանկի բարձրագույն ղեկավարությունը, նախ ամփոփվեց «IDBank-ի անվան կրթաթոշակ» ծրագիրը, որը հասցեագրված է այն ուսանողներին, ովքեր մագիստրատուրայում ուսումը շարունակելու նպատակ ունեն։

Բանկի ՄՌԿ վարչության ղեկավար Սոնա Մանուչարյանի խոսքով՝ ծրագրի մեկնարկի մասին հայտարարելուց հետո բազում խելացի եւ շնորհալի ուսանողներից ստացվել էին մեծ թվով դիմումներ, որոնք ուսումնասիրելու եւ հաղթողներին ընտրելու դժվարին գործընթացին ներգրավվել էին Բանկի տարբեր ստորաբաժանումների ղեկավարներ։ «Բազմաթիվ դիմորդներից ընտրվել է 5 ուսանող. նրանք կստանան 1-ական մլն․ ՀՀ դրամ կրթաթոշակ ուսումը մագիստրատուրայում շարունակելու համար։ Ծրագիրը դրանով չի սահմանափակվելու, մենք պատրաստվում ենք դասախոսությունների, փորձի փոխանակման հանդիպումների շարք անցկացնել նրանց հետ, ինչպես արել ենք «Կառուցիր կարիերադ IDBank-ի հետ» ծրագրի շրջանակում։ Կարծում ենք՝ նման քայլերը հնարավորություն են տալիս ուսանողներին ինտեգրվելու բանկային միջավայր, ունեցած տեսական գիտելիքի ծավալը համալրել գործնական մասով եւ առավել մոտ գտնվել իրենց ապագա աշխատանքին։ Ի դեպ, այսօր այստեղ հավաքվել են նշված ծրագրով Բանկում արդեն իսկ աշխատող երիտասարդներ, ինչպես նաեւ նրանք, ովքեր ընտրվել են որպես «Կառուցիր կարիերադ IDBank-ի հետ» ծրագրի երկրորդ փուլի մասնակիցներ»,-ասել է Սոնա Մանուչարյանը։

Կրթաթոշակների շնորհման հանդիսավոր արարողությունից հետո ազդարարվեց «Կառուցիր կարիերադ IDBank-ի հետ» ծրագրի երկրորդ փուլը։ Ուսանողներին ուղղված ողջույնի խոսքում Բանկի Վարչության նախագահ Մհեր Աբրահամյանը հաջողություն մաղթեց բոլոր մասնակիցներին՝ հատուկ ընդգծելով նման միջոցառումների կարեւորությունը․ «Կրթական ծրագրերը Բանկի Կորպորատիվ սոցիալական պատասխանատվության կարեւորագույն ուղղություններից մեկն են եւ անձնահատուկ նշանակություն ունեն մեզ համար։ Մենք խոր համոզմունք ունենք, որ կրթությունը հասարակության զարգացման կարեւորագույն հիմնաքարն է, ուստի IDBank-ը շարունակաբար ներդրումներ է անում մարդու, նրա գիտելիքի ու ներուժի մեջ, մենք ծրագրեր ենք իրականացնում կրթության որակի բարելավման, աշխատանքային փորձ չունեցող ուսանողների՝ աշխատանքի ընդունման ուղղությամբ, ընդ որում բոլոր այս ուղղություններով լուծում ենք նաեւ սոցիալական խնդիր»։

Բանկում նշել են, որ IDBank-ի կրթական ծրագրերն ունենալու են շարունակական բնույթ եւ ուղղված են լինելու ոչ միայն ուսանողներին, այն նաեւ առավել լայն հասարակությանը՝ ընդգրկելով ֆինանսական գրագիտության բարձրացմանն ուղղված միջոցառումներ։

Տպել
Կարդացեք նաև
Ամբողջը
Նիկոլ Փաշինյանը «HSBC International» Եվրոպայի զարգացման գծով տնօրենի հետ քննարկել է համագործակցության զարգացման հարցեր
Ողջունելով հյուրերին՝ վարչապետը նշել է, որ կառավարությունը կարևորում է HSBC բանկի հետ արդյունավետ համագործակցությունը․․․
«Հայբիզնեսբանկը»՝ «Արմենիա Էքսպո 2019»–ի ցուցահանդեսի մասնակից (ֆոտո)
Սեպտեմբերի 12-ից 14-ը տեղի ունեցավ «Արմենիա Էքսպո 2019» ամենամյա ցուցահանդեսը...
ԿԲ կողմից գնված արտարժույթը հասավ 398 միլիոն դոլարի. Նիկոլ Փաշինյան
Սա շատ լավ նորություն է, որ վկայում է տնտեսության մեջ մեծ ակտիվության մասին...
ՌԴ ԿԲ-ն քննարկում է ԵԱՏՄ-ում միասնական կենսաչափական համակարգ ստեղծելու հարցը
Դեռեւս հայտնի չէ՝ որ երկրի համակարգի հիման վրա կստեղծվի միասնական համակարգը...
Թողարկվել է «Հայաստանի պատմության թանգարանի 100-ամյակ» արծաթե հուշադրամ. ԿԲ
Հուշադրամները՝ հանդիսանալով հավաքորդական առարկա, թողարկվում են խիստ սահմանափակ քանակով եւ չեն վերաթողարկվում...
eBay հարթակում վաճառվող Թեոդոր Աքսենտովիչին նվիրված արծաթե հուշադրամները կեղծ են. ԿԲ
ՀՀ կենտրոնական բանկը զգուշացնում է, որ տվյալ հուշադրամները չեն հանդիսանում ՀՀ կենտրոնական բանկի թողարկումը, հետեւաբար, կեղծ են...