News
Լրահոս
News
Ուրբաթ
Սեպտեմբեր 20
USD
476.26
EUR
526.74
RUB
7.42
ME-USD
0.08
Տեսնել լրահոսը

Իտալիայի Հանրապետության քաղաքացուն մեղադրանք է առաջադրվել՝ կաշառք տալու փորձի համար. գործը դատարանում է։ Այս մասին NEWS.am-ին տեղեկացնում են ՀՀ քննչական կոմիտեի տեղեկատվության և հասարակայնության հետ կապերի բաժնից։

ՀՀ ՔԿ ԵՔՔՎ ծանր հանցագործությունների քննության բաժնում ավարտվել է Իտալիայի Հանրապետության քաղաքացու կողմից ՀՀ ՊԵԿ քննչական վարչության պաշտոնյային կաշառք տալու փորձի դեպքի առթիվ ՀՔԾ վարույթում քննված քրեական գործից անջատված մասով նախաքննությունը:

Մինչդատական վարույթում ձեռք բերված տվյալների համաձայն՝ Իտալիայի Հանրապետության՝ 57-ամյա քաղաքացին հայաստանյան ՍՊ ընկերության փոխտնօրենի օժանդակությամբ փորձել է միջնորդի միջոցով առանձնապես խոշոր չափերով կաշառք տալ ՀՀ ՊԵԿ քննչական վարչության պաշտոնյային։

Այսպես՝ 57-ամյա իտալացին, հանդիսանալով իտալական ընկերության հայաստանյան մասնաճյուղի տնօրենը, տեղեկանալով, որ ՀՀ ՊԵԿ քննչական վարչությունում իր ղեկավարած ընկերության վերաբերյալ ՀՀ քրեական օրենսգրքի 205-րդ հոդվածի 2-րդ մասով քրեական գործ է քննվում, իր տնօրինած մեկ այլ ՍՊ ընկերության փոխտնօրեն, ՀՀ քաղաքացուն խնդրել է գտնել միջնորդի, որպեսզի քրեական գործով վարույթը կարճելու համար կարողանա կաշառել հիշյալ քրեական գործով այդպիսի իրավասություն ունեցող պաշտոնատար անձին։

Վերջինս, լավ հարաբերությունների մեջ գտնվելով հարկային տեսուչի հետ, 2018 թվականի օգոստոսի 5-ին պայմանավորվել և օրեր անց Երևան քաղաքի սրճարաններից մեկում հանդիպել է նրան, որի ընթացքում իտալացի գործարարի անունից հարկային տեսուչին խնդրել է օգնել քննվող քրեական գործով վարույթը կարճելու հարցում՝ հայտնելով, որ իտալացի իր ղեկավարը պատրաստ է նաև կաշառք տալ։

Իր հերթին հարկային տեսուչը, առանձնապես խոշոր չափերով գումար հափշտակելու դիտավորությամբ, գիտակցելով խոստումը կատարելու անհնարինությունն ու նպատակ չունենալով որևէ գործողություն կատարել իտալացի գործարարի օգտին, փոխտնօրենին հայտնել է, որ մտերիմ է ՊԵԿ քննչական վարչության պաշտոնյայի հետ ու կարող է նպաստել կաշառքի շուրջ համաձայնության գալուն։

ՊԵԿ քննչական վարչության պաշտոնյային կաշառելու համար տեսուչը փոխտնօրենի միջոցով իտալացի գործարարից պահանջել է առանձնապես խոշոր չափերով՝ 5.000.000 ՀՀ դրամ՝ հայտնելով, թե այդ գումարի դիմաց ՊԵԿ պաշտոնյան, իբր, հետամուտ կլինի քրեական գործով վարույթի կարճմանը։

Ընդունելով կաշառքի առարկայի շուրջ առաջարկը՝ փոխտնօրենը 2018 թվականի օգոստոս ամսվա ընթացքում իտալացի գործարարից ստացել և հարկային տեսուչին է փոխանցել առանձնապես խոշոր չափերով՝ 5.000.000 ՀՀ դրամ կաշառք-գումարը, որը վերջինս խարդախությամբ հափշտակել է, ինչի արդյունքում գործարարն իր կամքից անկախ հանգամանքներով չի կարողացել ավարտին հասցնել հանցագործությունը, այն է՝ միջնորդի միջոցով առանձնապես խոշոր չափերով կաշառք տալ ՊԵԿ պաշտոնատար անձին։

Ձեռք բերված բավարար ապացույցների համակցությամբ՝ Իտալիայի Հանրապետության քաղաքացուն մեղադրանք է առաջադրվել՝ ՀՀ քրեական օրենսգրքի 34-312-րդ հոդվածի 3-րդ մասի 1-ին կետով: Նրա նկատմամբ որպես խափանման միջոց է ընտրվել ստորագրություն՝ չհեռանալու մասին:

Հայտարարվել է նախաքննության ավարտի մասին, և քրեական գործը՝ մեղադրական եզրակացությամբ, ուղարկվել է դատարան:

Տպել
Կարդացեք նաև
Ամբողջը
Թբիլիսիում 11 մարդ կալանավորվել է երեխաների առեւտրի եւ մանկական պոռնոգրաֆիա ստեղծելու մեղադրանքով
Նշված անձանց կողմից կատարված հանցագործությունը նախատեսում է 17-20 տարվա կամ ցմահ ազատազրկում․․․
Երեւանում քաղաքացին հետապնդել ու վնասազերծել է իր տան գողերից մեկին
գողին վնասազերծած բնակարանատերն աշխատում է ՀՀ ոստիկանության տնտեսական վարչությունում․․․
Աղավնատուն գյուղում սպանության փորձի մասնակիցների ինքնությունը հայտնի է․ նոր մանրամասներ (ֆոտո)
Ոստիկաններն ու քննիչները պարզել են, որ նշված անձինք հրազենային վնասվածքները ստացել են․․․
Պարզվել է Վանաձորում 27-ամյա երիտասարդի նկատմամբ սպանության փորձ կատարած անձի ինքնությունը. ՔԿ
ՀՀ քննչական կոմիտեի Լոռու մարզային քննչական վարչությունում քննություն է տարվում՝ 27-ամյա երիտասարդի նկատմամբ սպանության փորձ կատարելու դեպքի բոլոր հանգամանքները պարզելու ուղղությամբ...
Թալանել են «Վանաձոր» բժշկական կենտրոնի բժիշկ-վնասվածքաբանի տունը՝ պատճառելով 1.5 մլն դրամի վնաս Է.
Հակոբյանը աշխատում է «Վանաձոր» բժշկական կենտրոնում՝ որպես բժիշկ-վնասվածքաբան․․․․
Վանաձորցի քրեական հեղինակություն է բերման ենթարկվել․ նա հետախուզվում էր սպանության փորձի մեղադրանքով
Դեպքի հանգամանքները պարզվում են․․․