News
Լրահոս
News
Կիրակի
Փետրվար 23
USD
478.35
EUR
517.05
RUB
7.43
ME-USD
0.05
Տեսնել լրահոսը

ԴՆԹ նոր հետազոտությունների համաձայն՝ Եվրոպայում քարանձավային արջերը մոտ 24 հազար տարի առաջ ոչնչացել են նախնադարյան մարդու պատճառով, հայտնում է Independent-ը: 

Scientific Reports պարբերականում հրապարակված հետազոտության արդյունքների համաձայն՝ արջերի պոպուլյացիայի կտրուկ նվազումը սկսվել է մոտ 40 հազար տարի առաջ: Այս գործընթացը համընկել է Եվրոպայում անատոմիապես ժամանակակից մարդկանց հայտնվելու հետ եւ նախորդել է կլիմայի սառելուն:

Հետազոտողների խումբը՝ Ցյուրիխի եւ Տյուբինգենի համալսարանների գիտնականներ Վերենա Շունմանի եւ Հերվ Բոշերենի ղեկավարությամբ վերականգնել են քարանձավային արջերի ոսկորներից 59 միտոքոնդրիալ գենոմներ:

Նմուշները վերցվել են Շվեյցարիայի, Լեհաստանի, Ֆրանսիայի, Իսպանիայի, Գերմանիայի, Իտալիայի եւ Սերբիայի 14 տեղանքներից:

Այնուհետեւ գիտնականները ստացված գենոմները համեմատել են նախորդ 64 միտոքոնդրիալ գենոմների հետ՝ պարզելու համար, թե քարանձավային արջերի տարբեր պոպուլյացիաներ ինչպիսի տեղանքներում են ապրել եւ ուշ պլեյստոցենի շրջանում (ներառում է վերջին սառցե ցիկլը) ինչպիսին է եղել նրանց միգրացիան:

Գիտնականներն իրենց հետազոտության արդյունքում հայտնաբերել են մոտ 451 հազար տարի առաջ գոյություն ունեցած ընդհանուր նախնիից միտոքոնդրիալ ԴՆԹ-ի 5 հիմնական գծեր, որից հետո այդ կենդանիները տարածվել են նաեւ Եվրոպայում:

Քարանձավային արջերի պոպուլյացիաները համեմատաբար կայուն էին մոտ 40 հազար տարի առաջ, ներառյալ կլիմայի ցրտելու ժամանակաշրջանները:

Գիտնականների կարծիքով՝ կենդանիների պոպուլյացիայի նվազման վրա հիմնականում ազդել է այնպիսի գործոնը, ինչպես որսը:

Գիտնականների կարծիքով՝ կլիմայի սառելը եւ բուսական աշխարհի հասանելության հետագա նվազումը, հնարավոր է, արջերի ընդհանուր պոպուլյացիան բաժանել է տարբեր ենթապոպուլյացիաների:

Դրանից բացի, քարանձավային արջերին, որոնք հիմնականում բուսակեր են, բնակության համար անհրաժեշտ են չափավոր կլիմայով եւ հարուստ ֆլորայով տեղանքներ: Այս ենթապոպուլյացիաների կապը խախտած մարդն է հենց դարձել քարանձավային արջերի ոչնչացման պատճառը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հնդկաստանում վագրը սպանել է ընձառյուծին
Նախօրեին Ռաջաջի ազգային պարկում 2 գիշատիչ «մարտի են բռնվել» տարածքի համար...
Ո՞ւր են անհետացել Երեւանում որսված շները
«Շների կողմից կծոտված» քաղաքացիների մասին տեղեկությունների ալիքից հետո Երեւանի Մալաթիա-Սեբաստիա շրջանից անհետացել են մոտ երկու տասնյակ շներ…
Արկտիկայի լճերում գիտությանն անհայտ ձկներ են հայտնաբերվել
Էքսպեդիցիայի ժամանակ մենք հայտնաբերեցինք ձկների ավելի քան տասը նոր տեսակներ, որոնցից որոշները հայտնվել են մոտ 200 հազար տարի առաջ․․․
Երկու մռութով մուտանտ հորթը հռչակավոր է դարձել
Ֆերմեր Բասքարը խոստովանել է, որ ցնցված էր, երբ իր կովերից մեկը մուտանտ հորթ է ծնել…
Հայտնի է հավերժ ապրող էակը. դա Turritopsis Nutricula մեդուզան է
Խոսքը ծովային օրգանիզմի մասին է, որը բնական պատճառներով չի մահանում…
Հսկայական վարդագույն հրեշը՝ Ավստրալիայում
Առաջին վարդագույն մանտուին՝ 3,3 մ երկարությամբ, նկատել են 2015թ․, եւ այն ժամանակներից նա միայն մի քանի անգամ է աչքի ընկել․․․