News
Լրահոս
News
Երեքշաբթի
Սեպտեմբեր 29
USD
485.66
EUR
565.55
RUB
6.16
ME-USD
0.01
Տեսնել լրահոսը

Հայաստանի քննչական կոմիտեի Երեւան քաղաքի քննչական վարչության Էրեբունի եւ Նուբարաշեն վարչական շրջանների քննչական բաժնում ՀՀ քր-օր-ի 235 հոդվածի 1-ին մասին հատկանիշներով հարուցվել է քրեական գործ:

SHamshyan.com-ի հաղորդմամբ, նշված քրգործը հարուցվել է օգոստոսի 15-ին, ժամը 23:00-ի սահմաններում, ոստիկանության Երեւան քաղաքի վարչության քրեական հետախուզության բաժնի, ոստիկանության Էրեբունու բաժնի եւ Հայաստանի քննչական կոմիտեի Երեւան քաղաքի քննչական վարչության Էրեբունի եւ Նուբարաշեն վարչական շրջանների քննչական բաժնի կողմից ձեռնարկված հատուկ օպերացիայի արդյունքում՝ Երկաթուղայինների 1-ին հասցեում կանխված զինված «ռազբորկայի» փաստով:

Այդ օրը, իրավապահների հմուտ, ճիշտ եւ օպերատիվ գործողությունների արդյունքում ոչ միայն կանխվեց «ռազբորկան», այլեւ դեպքի վայրում կատարված զննությամբ հայտնաբերվել եւ քննիչի որոշմամբ առգրավվել են «Մակարով» տեսակի ատրճանակներ, որոնցից մեկը լիցքավորված 8, մեկը՝ 7 մմ տրամաչափի փամփուշտներով: Հայտնաբերվել է նաեւ «Magnum» գրառմամբ գաղտնի փականով դանակ:

Նշված վայրից ոստիկանության Էրեբունու բաժին են բերման ենթարկվել Երեւան քաղաքի բնակիչներ, 21-ամյա Էդգար Ապիյանը, 19-ամյա Վազգեն Հայրապետյանը, 27-ամյա Սարգիս Աբգարյանը, 22-ամյա Արտյոմ Հասրաթյանը, 20-ամյա Ավետիք Բերբերյանը, 34-ամյա Արտակ Մարտիրոսյանը, 23-ամյա Վահագն Խանպապյանը, 43-ամյա Արեգ Սիմոնյանը, 33-ամյա Խաչատուր Բաղդոյանը, 29-ամյա Արթուր Խուդավերդյանը, 33-ամյա Գուրգեն Սմբատյանը, 31-ամյա Սեւակ Կատվալյանը եւ Բյուրեղավան քաղաքի բնակիչ, 34-ամյա Սամվել Թումասյանը:

Աղբյուրի տեղեկություններով, վերջինիս մոտից հայտնաբերվել է 1 հատ կաթոցիչ (պիպետկա)՝ լցված դեղնականաչավուն զանգվածով: Հաջորդ օրը՝ օգոստոսի 16-ին, Ս. Թումասյանը քննիչի որոշմամբ ձերբակալվել է, իսկ մնացած բերման ենթարկվածները բաց են թողնվել:

Նշենք, որ օգոստոսի 16-ին ոստիկանության Երեւան քաղաքի վարչության քրեական հետախուզության բաժնի ծառայողները, համագործակցելով ոստիկանության Էրեբունու բաժնի եւ Հայաստանի քննչական կոմիտեի Երեւան քաղաքի քննչական վարչության Էրեբունի եւ Նուբարաշեն վարչական շրջանների քննչական բաժնի հետ, ստացված օպերատիվ տվյալներն իրացնելով, կանխել էին Երեւանի Էրեբունի վարչական շրջանում՝ ժողովրդին հայտնի «վստրեչի» խաչմերուկի հարեւանությամբ գտնվող բենզալցակայանի մոտ տեղի ունեցող «ռազբորկան»:

Ոստիկաններն ու քննիչները տաք հետքերով վնասազերծել եւ ոստիկանության Էրեբունու բաժին էին բերման ենթարկել 1 տասնյակից ավելի անձանց, որոնց ինքնությունը նախաքննության շահերից ելնելով՝ չենք հրապարակել։ «Ռազբորկայի» վայրում հայտնաբերվել էր 2 հատ «Մակարով» տեսակի ատրճանակ՝ ամեն մեկը լիցքավորված 9 մմ տրամաչափի փամփուշտներով: Դեպքի վայրում աշխատել էին ոստիկանության փորձաքրեագիտական վարչության փորձաքրեագետները: Փաստի առթիվ Հայաստանի Հանրապետության քննչական կոմիտեի Երեւան քաղաքի քննչական վարչության Էրեբունի եւ Նուբարաշեն վարչական շրջանների քննչական բաժնում հարուցվել էր քրեական գործ:

Տպել
Կարդացեք նաև
Ամբողջը
Ձերբակալված օպերլիազորները պնդում են` ոչ մեկի չեն խոշտանգել. փաստաբանը կբողոքարկի ձերբակալումը
Ավելի վաղ հայտնել էինք, որ ՀՀ ոստիկանության Նոր Նորքի բաժնում Վլադիմիր Օհանյանին և Արմեն Ղազարյանին…
Պաբլո Էսկոբարի զարմիկը 18 մլն դոլար է գտել, որը թաքցված էր իր հորեղբոր տներից մեկի պատի մեջ
Կոլումբիական լրատվամիջոցներին Էսկոբարը հայտնել է, թե սա առաջին դեպքը չէ, որ ինքը փող է գտնում հորեղբոր թաքստոցներում․․․
Իտալիայում գողացել են Հովհաննես Պողոս Երկրորդ պապի արյունով մասունքը
Արքեպիսկոպոս մոնսինյոր Ռենատո Բոկարդոն դիմել է երկրպագության առարկան գողացողներին՝ խնդրելով հնարավորինս շուտ վերադարձնել այն․․․
Ապամոնտաժել էր երկաթգծի փայտե հենակները. ոստիկանության բացահայտումը
Տուժած փակ բաժնետիրական ընկերությունից ընդունվել է հաղորդում։ Գողոնը հայտնաբերվել է...
Սանկտ Պետերբուրգում ձերբակալել են դերասանի, որը կասկածվում է Տաջիկստանից տրանսգենդերի սպանության եւ անդամահատման մեջ
Քննիչների վարկածով՝ տղամարդը անդամակցել է ոչ ավանդական կապերի փակ միությանը․․․
Կրասնոդարում գնդակահարել են անշարժ գույքի խոշոր գործակալության բաժնի ղեկավարին ու նրա կնոջը, իսկ մարմինները նետել ջրհորը
Մարմինները՝ գլխին հրազենային վնավածքով գտնվել են սեպտեմբերի 17-ին Բելոզյորնի քաղաքամերձ գյուղի տարածքում ջրհորի մեջ․․․
Ամենաշատ