ՌԴ պաշտպանության նախարար Սերգեյ Շոյգուն այսօր ՀՀ պաշտպանության նախարար Դավիթ Տոնոյանի հետ հանդիպման ժամանակ նշել է հայ բժիշկների եւ սակրավորների ներդրումը Սիրիայում հումանիտար աջակցման գործում, հաղորդում է ՏԱՍՍ-ը:
Շոյգուն Տոնոյանին առաջարկել է կարծիքներով փոխանակվել ոչ միայն ռազմական եւ ռազմատեխնիկական համագործակցության համատեղ ծրագրերի, այլ նաեւ Սիրիայում հումանիտար աջակցման ժամանակ բժիշկների եւ սակրավորների համատեղ աշխատանքի շուրջ:
Ռուս նախարարը նշել է, որ հազարավոր մարդիկ բուժօգնություն են ստանում, հայ վիրաբույժները մի քանի հարյուր վիրահատություն են կատարել:
«Դա ահռելի աշխատանք է, որը չի կարող չնկատվել, եւ, անկասկած, իր ներդրումն ունի այդ տարածաշրջանում իրավիճակի կարգավորման գործում»,- նշել է ՌԴ ՊՆ ղեկավարը:
Շոյգուի խոսքով՝ ՌԴ եւ ՀՀ ռազմական գերատեսչությունների հարաբերությունների ռազմավարական մակարդակը թույլ է տալիս ասել, որ դեռեւս շատ անելիքներ կան:
