Կալիֆոռնիայի տեխնոլոգիական ինստիտուտի գիտնականները երկչափ մոդել են ստեղծել՝ ցույց տալու համար, թե ինչ տեսք ունի Երկիրն այլ մոլորակներից, գրում է «ՌԲԿ»-ը՝ հղում անելով Science ամսագրին:
Մոդելը ցույց է տալիս, թե ինչ կարող էին տեսնել մի քանի լուսային տարի հեռավորության վրա այլ մոլորակներից աստղագետները՝ աստղադիտակներով նայելով Երկրին: Պատկերի ստեղծման համար գիտնականները Երկրի մոտ 10 հազար լուսանկար են օգտագործել, որոնք ստացել է NASA-ն Deep Space Climate Observatory արբանյակից:
Լուսանկարներն արվել են 2016-2017թթ. ընթացքում 10 ալիքների որոշակի երկարության վրա: Հետազոտողները դրանք նվազեցրել են ալիքների յուրաքանչյուր երկարության համար մինչեւ 1 լուսային ցուցանիշի՝ 10 «կետ», որոնք ժամանակի ընթացքում գրաֆիկի կառուցման դեպքում տալիս են 10 կոր փայլ, որը ցույց է տալիս այն, թե ինչ կարող էր տեսնել հեռավոր դիտորդը, եթե մշտապես հետեւեր Երկիր էկզոմոլորակին 2 տարվա ընթացքում:
Երբ գիտնականները վերլուծել են կոր փայլերն ու դրանք համեմատել օրիգինալ լուսանկարների հետ, պարզել են, թե դրանց որ բնութագրերն են համապատասխանում ցամաքային եւ ամպային ծածկույթին: Դրանից հետո նրանք առանձնացրել են չափանիշը, որն ամենից շատ է համապատասխանում ցամաքային ծածկույթին:
Նշվում է, որ մոդելն աստղագետներին օգնել է գնահատել՝ կան արդյոք էկզոմոլորակների վրա օվկիանոսներ, ամպեր եւ սառցե ծածկույթ:
What would Earth look like to an alien civilization? This! Caltech researchers used Deep Impact images of Earth to make an "alien" map. Green is land and blue is water. New classroom map, anyone? #dailyastro #astronomy https://t.co/2MXgDaOBjd pic.twitter.com/VnmY06sOir
— Prof. Allison Kirkpatrick (@AkAstronomy) 14 августа 2019 г.
